— अन्तर्राष्ट्रिय ओलम्पिक कमिटी (आईओसी) र ओलम्पिक काउन्सिल अफ एसिया (ओसीए) ले नेपाल ओलम्पिक काउन्सिल (एनओस) को पछिल्लो निर्वाचनलाई लिएर प्रश्न उठाउँदै पूरा घटनाक्रमलाई नजिकबाट हेरिरहेको जनाएका छन् ।
आईओसीको राष्ट्रिय ओलम्पिक समिति सम्बन्ध विभागका जेम्स म्याकलोड र ओसीएका प्रवन्ध निर्देशक हुसेन अल मुसलमले पत्र लेख्दै नयाँ कार्यसमितिलाई वैधानिक मान्यता दिइनसकेको जनाएको छ । जीवनराम श्रेष्ठको अध्यक्षमा नयाँ कार्यसमिति निर्वाचित भएको थियो ।
उनी विधान संशोधन गर्दै तेस्रो कार्यकालका लागि नेतृत्वमा आएका थिए । यसक्रममा उठेका कानुनी प्रश्नलाई समाधान गर्न पनि पत्रमा भनिएको छ । पत्रमा ओलम्पिक बडापत्रमा टिकेर सबैलाई मान्य हुने समाधान निकाल्न पनि निर्देशन दिइएको छ ।
