: वालिङ नगरपालिका- १४ तमादीमा मंगलबार स्कार्पियो दुर्घटना हुँदा ५ जना घाइते भएका छन्। वालिङ– पर्वत कच्ची सडकखण्ड अन्तर्गत वालिङबाट सिरबानी जाँदै गरेको जीप सडकबाट ४ मिटर तल खसेको प्रहरी नायब उपरीक्षक हरिप्रसाद पौडेलले जानकारी दिए।
ग १ च ८९१३ नम्बरको स्कार्पियो दुर्घटनामा हुँदा वालिङ – १४ सिरबानीका ६३ वर्षीय उमापति डुम्रे, ७८ वर्षीय कोषकान्त डुम्रे, ५२ वर्षीय भिमप्रसाद डुम्रे र पर्वत पैँयु गाउँपालिका – ६ हुवासका ३३ वर्षीया कुमाकला तिवारी र ११ वर्षीय कमल तिवारी घाइते भएको पौडेलले बताए।
घाइते सबैको प्राथमिक स्वास्थ्य केन्द्र वालिङमा उपचार भइरहेको छ। स्कार्पियोमा चालकसहित ८ जना रहेका थिए। घटनाबारे थप अनुसन्धान जारी रहेको प्रहरी भनाई छ।
