: नेपाल प्रहरीले दुई भारतीय लागुऔषध कारोबारीलाई पक्राउ गरेको छ। गएराति कनकाई नगरपालिका–४ मा गोली प्रहार गरी भारतको बिहार राज्य२८ वर्षीय अन्जार आलम र उनका भाई १९ वर्षीय यूसुब आलामलाई पक्राउ गरिएको जिल्ला प्रहरी कार्यालयका सूचना अधिकारी कृष्णबहादुर चन्दले जानकारी दिए ।
उनका अनुसार बीआर ३७ एए ८४९८ नम्बरको मोटरसाइकलमा लागू औषध ओसारपसार गरिरहेका थिए । प्रहरीले रोकेर जाँज गर्ने क्रममा दुवै जना भाग्न खोज्दा उनीहरुमाथि गोली चलाउनु परेको उनको भनाई छ। मोटरसाइकल चालक अन्जार आलमको घुडाँमुनी गोली लागेको छ । घाइते अन्जारको प्रादेशिक अस्पताल भद्रपुरमा उपचार भइरहेको छ ।
प्रहरीले चार राउण्ड हवाई फायर गरी दुवै जनालाई नियन्त्रणमा लिएको हो । उनीहरूको साथमा प्रतिबन्धित लागू औषध ब्राउन सुगुर ६३ मिलिग्राम फेला परेको सूचना अधिकारी चन्दले बताए ।
