: नेकपा माओवादी केन्द्रले हुलाकी राजमार्ग केन्द्रित अभियान सञ्चालन गर्ने भएको छ। सोमबार बसेको माओवादीको पदाधिकारी बैठकले फागुन १२ गतेदेखि हुलाकी केन्द्रित अभियान सञ्चालन गर्ने निर्णय गरेको हो।
पार्टी प्रवक्ता अग्नि सापकोटाका अनुसार माओवादीले झापाको कचनकवलबाट अभियानको सुरुवात गर्नेछ। 'फागुन १२ गतेदेखि हुलाकी राजमार्ग केन्द्रित अभियान सञ्चालन गर्ने निर्णय भएको छ। उक्त अभियान झापाको कचनकवलबाट सुरु हुनेछ,' सञ्चारकर्मीसँग उनले भने।
माओवादीले अभियान सुरू गर्नुअघि स्थानीय तहका प्रतिनिधित्व गर्ने प्रमुख र उपप्रमुखहरूको भेला गर्ने भएको छ। फागुन ९ गते उक्त भेला सञ्चालन हुने प्रवक्ता शर्माले बताए।
त्यस्तै बैठकले नेताहरूको जिम्मेवारी हेरफेर गरेको थियो। प्रदेश र प्रवास इन्चार्जमा जिम्मेवारी हेरफेर भएको प्रवक्ता सापकोटाले बताए।
