तिलोत्तमाको एक्स्ट्राटेक ओभल क्रिकेट स्टेडियममा फ्लड लाइट जडान सुरू हुँदै

। रुपन्देहीको एक्स्ट्राटेक ओभल क्रिकेट स्टेडियममा शनिबारदेखि स्टेडियममा फ्लड लाइट जडानको काम सुरु हुँदैछ । नेपालका क्रिकेट स्टेडियममा यो नै पहिलो फ्लड लाइट हुनेछ ।

शुक्रबार बिहान बुटवलमा पत्रकार सम्मेलन गरी स्टेडियमका निदेशक विनोद कुँवरले शनिबारदेखि लाइट जडान हुने जानकारी दिए । नेपालमै पहिलो पटक रातिमा प्रतियोगिता सञ्चालन गर्ने गरी करिब ७ करोड लागतमा ५ वटा फ्लड लाइट जडान गर्न लागिएको बताए ।

२०८० साल जेठ २९ गते शिलान्यास भई ०८० फागुनमै खेल्न योग्य मैदान तयार भएर फागुन २८ मा मैदानको उद्‌घाटनसहित लिजेण्ड्स कप क्रिकेट प्रतियोगिता आयोजना भएको थियो । अबको एक महिनाभित्र फ्लड लाइट पूर्ण रुपमा जडान गरी परीक्षण गरिने कुँवरले बताए ।

यो मैदानमा गत वर्षको फागुन यता एक सय भन्दा बढी खेल भइसकेका छन् । नेपालको १९ वर्ष मुनिको विश्वकप खेलेको महिला टोली र नेपाल प्रिमियर लिग टिम लुम्बिनी लायन्सले यो मैदानमा अभ्यास गरेको थियो । ‘भारतबाट पनि केही क्लब स्तरीय टिम आएर पहाँ आएर खेलेको पनि जानकारी गराउन चाहान्छौं’, उनले भने ।

नेट प्राक्टिसका लागि पनि पिच अन्तिम चरणमा रहेको स्टेडियमका निर्देशक सूर्य कुँवरले बताए । चार तलाको २ वटा भवन भीआईपी बक्स प्लेयर बक्स , चेजिंग रुम र मिडिया बक्स निर्माण अन्तिम चरणमा पुगेको उनले बताए । २५ हजार दर्शक क्षमताको प्यारापिटसहित करिब ५० करोड लागतको परियोजनाको ५० प्रतिशत बढी वित्तीय प्रगति भइसकेको कुवरले बताए । ५ वर्षमा पूरा गर्ने लक्ष्य रहेकोमा अब २ वर्षभित्र सबै काम सम्पन्न हुने उनले बताए ।

प्रतिक्रिया दिनुहोस्

अन्य समाचारहरु

बंगालदेशका पूर्वकप्तान तमिम इक्बाललाई हृदयघात भएपछि अस्पताल भर्ना

। बंगालदेशका पूर्वकप्तान तमिम इक्बाललाई हृदयघात भएपछि अस्पताल भर्ना गरिएको छ। उनलाई ढाका प्रिमियर लिगमा खेल्दै गर्दा समस्या देखिएको थियो । मोहम्मडन स्पोर्टिङ क्लबको नेतृत्व गरिरहेका उनले खेलको टसपछि छाती दुखेको गुनासो गरेका थिए र प्रारम्भिक उपचारपछि अस्पताल लगिएको थियो। बंगलादेश क्रिकेट बोर्डका मेडिकल अफिसर देबाशीष चौधरीका अनुसार तमिमको मुटु अहिले राम्रोसँग काम गर्दैछ। उनको उपचार ढाकाको ...

कर्णालीमाथि बागमतीको फराकिलो जित

: प्रधानमन्त्री कप पुरुष राष्ट्रिय प्रतियोगितामा बागमती प्रदेशले चौथो जित दर्ता गरेको छ। बाँया हाते पेसर रिजन ढकाल र बाँया हाते स्पिनर सूर्य तामाङको उत्कृष्ट बलिङमा टस जितेर ब्याटिङ गरेको कर्णाली ५८ रनमा अलआउट भयो। लमहीस्थित देउखुरी क्रिकेट रंगशालामा कर्णालीले दिएको ५९ रनको सामान्य लक्ष्य बागमतीले १ विकेट गुमाउँदै ६.३ ओभरमा पूरा गर्यो। बागमतीका ओपनर ब्याटर ...

त्रिभुवन आर्मी क्लबले लुम्बिनी प्रदेशमाथि १३१ रनको फराकिलो जित

: प्रधानमन्त्री कप पुरुष राष्ट्रिय प्रतियोगितामा त्रिभुवन आर्मी क्लबले लुम्बिनी प्रदेशमाथि १३१ रनको फराकिलो जित निकालेको छ। प्रतियोगितामा सातौं जित निकालेको आर्मीले फाइनल खेल्ने सम्भावना बलियो बनाएको छ। सिद्धार्थनगरस्थित सिद्धार्थ रंगशालामा टस जितेर ब्याटिङ गरेको आर्मीले २४३ रन बनाएको थियो। आर्मीले दिएको २४४ रनको लक्ष्य पछ्याएको लुम्बिनी २७.१ ओभरमा ११२ रन बनाउँदै अलआउट भएको हो। ...

सुदूरपश्चिम प्रदेशले कोशी प्रदेशलाई ३१ रनले हराउँदै प्रतियोगितामा तेस्रो जित दर्ता

: प्रधानमन्त्री कप पुरुष राष्ट्रिय प्रतियोगितामा सुदूरपश्चिम प्रदेशले कोशी प्रदेशलाई ३१ रनले हराउँदै प्रतियोगितामा तेस्रो जित दर्ता गरेको छ। लमहीस्थित देउखुरी क्रिकेट रंगशालमा टस जितेर ब्याटिङ गरेको सुदूरपश्चिमले २४२ रन बनाएको थियो। सुदूरपश्चिम प्रदेशले दिएको २४३ रनको लक्ष्य पछ्याएको कोशी प्रदेश ४५.१ ओभरमा २११ रन बनाउँदै अलआउट भयो। कोशीका लागि ओपनर सकिब हकले ६२ रनको ...

हैदरवादले राजस्थान रोयल्सलाई ४४ रनले पराजित

: इन्डियन प्रिमियर लिग (आइपीएल)मा सनराइज हैदरावादले विजयी सुरुवात गरेको छ। आइतबार भएको खेलमा हैदरवादले राजस्थान रोयल्सलाई ४४ रनले पराजित गरेको हो। हैदरवादले दिएको २८७ रनको लक्ष्य पछ्याएको राजस्थानले निर्धारित ओभरमा ६ विकेटको क्षतिमा २४२ रनमात्र बनाउनसक्यो। राजस्थानका लागि ध्रुव जुरेलले सर्वाधिक ७० रन बनाए। त्यस्तै सन्जु सैमसनले ६६, सिम्रोन हेटमेयरले ४२ र सुभम दुवेले ३४ ...