— दुईपल्टको च्याम्पियन संकटा क्लबलाई ३–१ ले हराउँदै सिक्किमको थन्डरबोल्ट नर्थ युनाइटेड पोखरामा जारी २४ औं आहा–रारा गोल्डकप फुटबलको क्वाटरफाइनलमा पुगेको छ । पोखरा रंगशालामा शुक्रबार पहिलोपल्ट नेपाल भम्रणमा रहेको भारतीय टोलीले पहिलो खेलबाटै संकटालाई घर फर्काएको हो ।
थन्डरबोल्टका फ्र्यांकलिन क्वेटे टाला, करण राई र आदर्श तामाङले गोल गरे । संकटाबाट मनीष पौडेलले एक गोल फर्काए । खेलमा सुरुआती अग्रता भने संकटाले लिएको थियो । खेलको १७ औं मिनेटमा मनीषको गोलमा संकटाले अग्रता बनायो । उनले पासाङ लामाको क्रस सदुपयोग गर्दै उत्कृष्ट फिनिसिङ दिए ।
खेलको ३५ औं मिनेटमा थन्डरबोल्टले पेनाल्टी पाएपछि खेल बराबरीमा पुग्यो । फोफानाले क्रस गर्ने क्रममा संकटाका राइट ब्याक अभिषेक लामाले पेनाल्टी एरियामा करण राईलाई लडाएपछि रेफ्री प्रज्ज्वल क्षेत्रीले थन्डरबोल्टलाई पेनाल्टीको अवसर दिएका थिए । क्वेटे टालाले संकटाका गोलरक्षक दीप कार्कीलाई कुनै अवसर नदिई पेनाल्टीमा सहजै गोल गरे । पहिलो हाफ १–१ को बराबरीमा टुंगिए पनि दोस्रो हाफमा थन्डरबोल्टले दुई गोल थप्यो । थन्डरबोल्टले अर्को विदेशी टिम उज्वेकिस्तानको ब्ल्याक बुल्स एफसीसँग क्वाटरफाइनल भेट पक्का गर्यो ।
थन्डरबोल्टको लगातार दबाब झेल्न स्टार खेलाडी लिएर मैदान उत्रिएको संकटालाई हम्मेहम्मे पर्यो । अनुभवी पिटर सेगुन र डिफेन्डर इमानुयल बोएटिङ जस्ता खेलाडी लिएर दीप कार्कीको कप्तानीमा खेलेको संकटाले गोल निकाल्न सकेन । गत वर्षको सिक्किम प्रिमियर लिग रनरअप रहेको थन्डरबोल्टले सुरुदेखि नै संकटालाई दबाबमा राखेको थियो । पहिलो हाफको इन्ज्युरी समयमा थन्डरबोल्टका एन्ड्रयुको शक्तिशाली प्रहार बारमा लागेर फर्कियो । संकटाको त्यस्तै प्रहार खेलको ६७ औं मिनेटमा खेर गयो । संकटाका अबेका रिचार्डले बक्सबाट प्रहार गरेको शक्तिशाली शट क्रसबारमा लागेर फर्कंदा संकटा अभागी बन्यो ।
वर्गीकृत विज्ञापन
पोस्ट गर्नुहोस्
चाहियो
कुक चाहियो, टिचिङ अगाडी
सम्पर्क: 9803670327
बिहावारी
२१दे खि ४५वर्षसम्म डिभो र्सभएका व्यक्तिहरूले बरबधुमा सम्पर्कः
सम्पर्क: ९८०८४७५७१४
भर्ना
rivate SEE, फर्मभर्ने अन्तिमदिन माघ ८, कक्षा सञ्चालन भइरहेकोछ, City School Koteshwor
सम्पर्क: 9841206019
मर्मत
सेफ्टीट्यांकी ढलट्वाइलेट मंगाल जामखोल्ने
सम्पर्क: 9841663344
मर्मत
मेसिनबाट सेफ्टीट्याङ्की ढलमंगाल जामखोल्ने
सम्पर्क: 9849442728
मर्मत
ढलट्वाइलेट मंगाल सेफ्टीट्यांकी जामखोल्ने
सम्पर्क: 9841050858
सबै हेर्नुहोस्
खेलको ७७ औं मिनेटमा स्ट्राइकर करण राईले गोल गर्दै थन्डरलाई अग्रता दिलाए । उनले एन्ड्र्यु क्रसमा बक्सबाट गोल गरेका हुन् । ८९ औं मिनेटमा थन्डरका आदर्श तामाङले उत्कृष्ट गोल गरे । मैदानको मध्यभागबाट गरेको प्रहार गोलमा परिणत भयो । गोलरक्षक दीप कार्की अगाडि बढेको अवस्थामा आदर्शले मध्यभागबाट खाली पोस्टमा प्रहार गरेका थिए ।
ITPF
Sunrise bank
Nepal Life Insurance
भारतको मोहन बगानबाट कोलकाता लिगसमेत खेलिसकेका आदर्शले संकटासँगको खेलमा उत्कृष्ट प्रदर्शन गरे । थन्डरबोल्टका टाला प्लेयर अफ द म्याच चुनिए । थन्डरबोल्टले माघ २९ मा ब्ल्याक बुल्ससँग खेल्नेछ । ब्ल्याक बुल्स प्रतियोगिताका लागि शुक्रबार नेपाल आइसकेको छ । यसअघि संकटाले १९ औं र २२ औं आहा–रारा पोखरा गोल्डकप जितेको थियो ।
टोलीले अघिल्लो साता राजधानीमा सभापति कप जितेको थियो । शनिबार पहिलो क्वाटरफाइनलमा नेपाल पुलिस क्लब र ब्रिगेड ब्वाइज क्लब यूकेबीच प्रतिस्पर्धा हुनेछ । पुलिसले आयोजक सहारालाई हराएर क्वाटरफाइनल तय गरेको थियो भने ब्रिगेड ब्वाइज सोझै क्वाटरफाइनल खेल्दैछ ।
