— अमेरिकी अर्बपति इलन मस्क नेतृत्वका लगानीकर्ताले च्याटजीपीटीको माउ कम्पनी ओपनएआई खरिद गर्ने प्रस्ताव गरेसँगै ओपनएआईका प्रमुख कार्यकारी अधिकृत (सीईओ) स्याम अल्टम्यानले कडा जवाफ फर्काएका छन् । मस्कको टोलीले ९७ अर्ब अमेरिकी डलरमा ओपनएआई खरिद गर्ने प्रस्ताव राखेको हो ।
अल्टम्यानले प्रस्ताव अस्वीकार मात्रै गरेका छैनन्, उल्टै मस्कको सामाजिक सञ्जाल एक्स खरिद गर्ने प्रस्ताव राखेका छन् । तर मस्कले ४४ अर्ब डलरमा किनेको एक्सलाई उनले जम्मा ९ अर्ब ७४ करोड मात्र दिने बताएका छन् । ‘धन्यवाद । तर तिमी चाहन्छौ भने हामी ९.७४ अर्बमा ट्विटर (एक्स) खरिद गर्छौं,’ उनले सामाजिक सञ्जाल एक्समा लेखेका छन् । सन् २०२२ मा ४४ अर्ब डलरमा ट्विटर खरिद गरेपछि उनले नाम फेरेर एक्स राखेका हुन् ।
अमेरिकी सञ्चार माध्यमहरूका अनुसार मस्क र उनको एआई स्टार्टअप एक्सएआईसहितका केही लगानीकर्ताको समूहले ओपनएआईको स्वामित्व लिएर पुन: गैरनाफामुखी कम्पनीका रूपमा चलाउन खोजेको हो । समाचार संस्था एपीका अनुसार एक्सएआईसँगै ब्यारन क्यापिटल ग्रुप, इम्यानुअल क्यापिटल लगायतले ओपनएआई खरिदको प्रस्ताव राखेका हुन् ।
मस्कले सन् २०२४ मा दुई पटक ओपनएआई खरिदको प्रस्ताव राखेका थिए । मस्कले ओपनएआईलाई आफ्नो मूल सिद्धान्तबाट अलग भएको र व्यापारमा केन्द्रित भएको बताउने गरेका छन् । समाचार संस्था रोयटर्सका अनुसा ओपनएआईको हालको बजार मुल्य १ खर्ब ५७ अर्ब अमेरिकी डलर छ ।
वर्गीकृत विज्ञापन
पोस्ट गर्नुहोस्
मर्मत
सेफ्टीट्यांकी ढलट्वाइलेट मंगाल जामखोल्ने
सम्पर्क: 9841663344
मर्मत
ढलट्वाइलेट मंगाल सेफ्टीट्यांकी जामखोल्ने
सम्पर्क: 9841050858
भर्ना
rivate SEE, फर्मभर्ने अन्तिमदिन माघ ८, कक्षा सञ्चालन भइरहेकोछ, City School Koteshwor
सम्पर्क: 9841206019
बिहावारी
२१दे खि ४५वर्षसम्म डिभो र्सभएका व्यक्तिहरूले बरबधुमा सम्पर्कः
सम्पर्क: ९८०८४७५७१४
मर्मत
मेसिनबाट सेफ्टीट्याङ्की ढलमंगाल जामखोल्ने
सम्पर्क: 9849442728
चाहियो
कुक चाहियो, टिचिङ अगाडी
सम्पर्क: 9803670327
सबै हेर्नुहोस्
मस्क र अल्टम्यानले २०१५ मा संयुक्त रूपमा ओपनएआई स्थापना गरेका थिए । तर नेतृत्वका विषयमा विवाद भएपछि मस्कले २०१८ मा ओपनएआईबाट बाहिरिएका थिए । त्यसयता ओपनएआईको विषयमा मस्क र अल्टम्यानबीच विवाद जारी छ । यसबारे मस्कले दायर गरेको मुद्दा अमेरिकी अदालतमा चलिरहेको छ ।
