— कामदार भिसामा जापान पठाइदिन्छु भन्दै ठगी गर्ने युवती पक्राउ परेकी छन् । धेरै जनासँग वैदेशिक रोजगारीका लागि कामदार भिसामा जापान लैजाने भनी रकम असुलेको आरोपमा बैजनाथ गाउँपालिका–५ की २३ वर्षीया तिर्सना बाठा मगर पक्राउ परेकी हुन् ।
इलाका प्रहरी कार्यालय कोहलपुरका अनुसार प्रतिव्यक्ति १४/१५ लाख रूपैयाँका दरले ठगी गरेको आरोपमा मगरलाई पक्राउ गरिएको हो । जिल्ला प्रहरी कार्यालय बाँकेका सूचना अधिकारी एवम् प्रहरी नायब उपरीक्षक (डिएसपी) आयुशप्रसाद जोशीले जापान पठाइदिने भन्दै मगरले १ करोड २३ लाख रूपैयाँ संकलन गरेको देखिएको बताए ।
डिएसपी जोशीका अनुसार उक्त रकम संकलन गरेर उनी २/३ महिनादेखि फरार थिइन् । उनीविरुद्ध पीडितहरूले वैदेशिक रोजगार विभागमा उजुरी दिएका थिए । लगत्तै मगरविरुद्ध पक्राउ पुर्जीसमेत जारी भएको थियो ।
उनलाई इलाका प्रहरी कार्यालय कोहलपुरबाट खटिएको टोलीले आइतबार पक्राउ गरेको हो । मगरविरुद्ध थप अनुसन्धान प्रक्रिया अघि बढाइएको इलाका प्रहरी कार्यालय कोहलपुरले जनाएको छ ।
जापानको चिबा प्रान्तस्थित फुनाबाशी सहरको एक होटलमा ५ तारिखका दिन नेपाली विद्यार्थी २१ बर्षीय बादल छन्त्यालको हत्या आरोपमा प्रहरीले एक जापानी महिलालाई पक्राउ गरेको छ।
३२ बर्षीय आसाका मायु नाम गरेको महिला लाइ पक्राउ गरि अनुसन्धानको क्रममा, “मैले मेरो प्रेमीसँगै मर्न चाहें, त्यसैले चक्कु चोरी गरेँ” भन्ने बयान दिएको जापानी सञ्चारमाध्यमहरूले जनाएका छन्।
उनले उक्त ...
