। चीनको युनान फुटबल टोलीसँग शनिबार भएको मैत्रीपूर्ण फुटबल खेलका दौरान नेपाली खेलाडी आशिष राई चोटग्रस्त बनेका छन् ।
खेलको ३७औं मिनेट चलिरहँदा विपक्षी खेलाडी मोरी डेलेले ट्याकल गर्दा दुवैजना लडेका थिए । सो क्रममा आशिषको भने बाँया खुट्टा विभिन्न ठाउँमा (मल्टिपल फ्र्याक्चर) भाँचिएको एन्फाले जनाएको छ । उनको अहिले अस्पतालमा उपचार सुरू भइसकेको छ ।
चिनियाँ नयाँ वर्षको अवसरमा शनिबार भएको मैत्रीपूर्ण फुटबल खेलमा नेपाली युवा टोली युनान प्रान्तीय टोलीसँग २-० गोलअन्तरले पराजित भएको छ ।
गत वर्ष देखि चिनिया नयाँ वर्षको अवसरमा नेपाल युथ टोली र युनान प्रान्तिय टोलीबीच मैत्रीपूर्ण खेल सुरु भएको हो । गत वर्ष नेपाली युवा टोली ५-१ ले विजयी भएको थियो ।
