: ताप्लेजुङको पाथीभरामा निर्माण गर्न लागिएको केबलकारको पक्षमा लागेका पदम चेन्जि माबोलाई धरानमा कालोमोसो दल्ने घटनामा संलग्न भएको आरोपमा जनता समाजवादी पार्टी नेपाल धरानका उपाध्यक्ष सुमन चेम्जोङ पक्राउ परेका छन्।
सोमबार माबोले इलाका प्रहरी कार्यालय धरानमा कालोमोसो दल्ने ८ जना विरुद्ध किटानी जाहेरी दिएपछि प्रहरीले मंगलबार पक्राउ गरिएको हो।
मामोको उजुरी दिएपछि कालोमोसो दल्ने विरुद्ध ८ जना विरुद्ध उजुरी दिएपछि इलाका प्रहरी कार्यालय धरानले जिल्ला अदालत सुनसरीबाट पक्राउ पुर्जीको अनुमति लिएको थियो। अदालतको अनुमतिपश्चात् प्रहरीले चेम्जोङलाई पक्राउ गरिएको धरानका डीएसपी प्रकाश जबेगुले बताए। माबोले कालोमोसो दल्ने विरुद्ध आपराधिक उपद्रो ऐन अन्तर्गत किटानी जाहेरी दिएका छन्।
पक्राउ परेका जसपा उपाध्यक्ष चेम्जोङले माबोलाई कालोमोसो दलिरहेको अवस्थामा आफूले छुट्याएर अप्रिय घटना हुनबाट बचाएको बताए। उनले आफूलाई फसाउने उद्देश्यले उजुरी दिएको भन्दै सत्यतथ्य छानबिन गर्न माग गरे।
आइतबार मुकुम्लुङ संरक्षण संयुक्त संघर्ष समिति सुनसरीका कार्यकर्ताहरूले धरान-९ स्थित पुतलीलाइनमा कुटपिट गरी कालोमोसो दलेका थिए।
कालोमोसो दल्ने कार्यमा संलग्न जनमुक्ति पार्टीका केन्द्रीय उपमहासचिव विष्णु थाम्देन, नागरिक उन्मुक्ति पार्टीका केन्द्रीय नेता अमर इजम, पहिचानवादी मोर्चाका नेता जेन्टल लावती लगायत ८ जना विरुद्ध पक्राउ पुर्जी जारी गरिएको बुझिएको छ।
