इजरायली प्रधानमन्त्री बेन्जामिन नेतान्याहुले गाजामा अस्थायी युद्धविराम सम्झौताको अवधि बढाएका छन्। अमेरिकी राष्ट्रपति डोनाल्ड ट्रम्पका मध्यपूर्व दूत स्टिभ विटकफले अघि सारेका उक्त प्रस्तावको नेतन्याहुले अनुमोदन गरेका हु्न।
इजरायली प्रधानमन्त्री बेन्जामिन नेतान्याहूले रमजान र यहूदीहरूको निस्तार चाडलाई ध्यानमा राख्दै सरकारले गाजा युद्धविरामलाई थप छ हप्ताको लागि अस्थायी रूपमा विस्तार गर्न अनुमोदन गरेको बताएका छन्।
शनिबार मध्यरातमा पहिलो चरणको युद्धविराम समाप्त भएपछि यो घोषणा गरिएको हो।
स्टिभ विटकफको यो नयाँ प्रस्ताव अन्तर्गत इजरायललाई दोस्रो चरणको वार्ता असफल भएको महसुस भयो भने ४२ दिन पछि पुनः लडाई सुरु गर्न सकिने उल्लेख छ।
इजरायलले थप बन्धकहरूको तत्काल रिहाइ चाहन्छ। हमास पनि दोस्रो चरणलाई अगाडि बढाउन चाहन्छ। बीबीसी
