। एकसाता अघि मात्रै सेवाबाट अवकास पाएका स्वास्थ्य तथा जनसंख्या मन्त्रालयका अतिरिक्त सचिव डा.दीपेन्द्ररमण सिंहले नयाँ जिम्मेवारी पाएका छन् । डा.सिंहलाई टेकुस्थित शुक्रराज ट्रपिकल तथा सरुवा रोग अस्पतालको अध्यक्ष नियुक्त गरिएको छ ।
सोमबार स्वास्थ्य तथा जनसंख्या प्रदिप पौडेलको मन्त्री स्तरीय निर्णयले डा.सिंहलाई टेकु अस्पतालको अध्यक्षको जिम्मेवारी दिएको स्वास्थ्य मन्त्रालय स्रोतले जानकारी दिएको छ ।
१२औँ तहमा बढुवा भएको ५ वर्षे कार्यकाल पूरा गरी डा.सिंह यही फागुन १२ गते मात्रै मन्त्रालयबाट विदा भएका थिए ।
टेकु अस्पतालमा यसअघि डा. चीनबहादुर पुन अध्यक्ष थिए । उनको दुई वर्षे कार्यकाल गत ८ असोजमै सकिए पनि नयाँ नियुक्ति भएको थिएन ।
