: वुमन्स डे कप २०२५ को खेलका लागि नेपाली महिला क्रिकेट टिममा २ नयाँ अनुहारले मौका बनाएका छन्। नेपाल क्रिकेट संघ(क्यान)ले इन्दु बर्माको कप्तानीमा १४ सदस्यीय टोली घोषणा गरेको हो।
जसमा साना प्रविन र रिया शर्मा २ नयाँ थपिएका अनुहार हुन्। यो सिरिजमा अनुभवी खेलाडी सीता राना मगर र तीव्र गतिकी बलिङ अलराउन्डर कविता कुँवर चोटका कारण उपलब्ध हुने छैनन्।
पछिल्लो त्रिदेशीय सिरिजमा देखिएका रेवती धामी र मनिषा उपाध्याय पनि टिममा छैनन्। अन्तिम १८ मा अटाएका सवनम राई, सिमाना केसी, सोभा रोकाया र मनिषा उपाध्यायले अन्तिम १४ मा स्थान बनाउन सकेनन्। प्रतियोगितामा नेपाल, युगान्डा, हङकङ र नामिबीयाले प्रतिस्पर्धा गर्नेछन्। प्रतियोगिता मार्च ८ देखि १६ सम्म हुनेछ। डबल राउन्ड रोबिनमा हुने प्रतियोगिता शीर्ष दुई टोलीले फाइनल खेल्नेछन्।
नेपाली टिमः
इन्दु बर्मा(कप्तान), बिन्दु रावल, रुबिना क्षेत्री, रिया शर्मा, सम्झना खड्का, ममता चौधरी, राजमती ऐरी, पूजा महतो, कविता जोशी, अलिशा कुमारी यादव (विकेटकिपर), रोमा थापा, रचना चौधरी, साना प्रविन र ईश्वरी विष्ट
