: च्याम्पियन्स ट्रफी २०२५ को दोस्रो सेमिफाइनलअन्तर्गत न्यूजिल्याण्डका ओपनर ब्याटर रचिन रविन्द्रले शतक प्रहार गरेका छन्।
गद्दफी रंगशाला लाहोरमा दक्षिण अफ्रिकाविरुद्ध टस जितेर ब्याटिङ रोजेको न्यूजिल्याण्डका लागि रविन्द्रले ९३ बलमा १२ चौका र १ छक्का प्रहार गरेका हुन्। उनले ३१.१ ओभरमा शतक पूरा गरेका हुन्। उनको एकदिवसीय अन्तर्राष्ट्रियमा यो पाँचौं शतक हो।
उनी हाल केन विलिमसनसँग १५३ रनको शतकीय साझेदारी बनाउँदै खेलिरहेका छन्। हाल न्यूजिल्याण्ड ३२ ओभरमा १ विकेटको क्षतिमा २०१ रन बनाउँदै खेलिरहेको छ। न्यूजिल्याण्डको पहिलो विकेटका रूपमा ओपनर विल योङको विकेट गएको हो। उनले २३ बलमा ३ चौकासहित २१ रन बनाउँदै क्याच आउट भएका थिए। आजको खेलको विजेताले फाइनलमा भारतको सामना गर्नेछ।
