: अष्ट्रेलियालाई ४ विकेटले हराउँदै भारत तेस्रो पटक च्याम्पियन्स ट्रफीको फाइनल प्रवेश गरेको छ। दुबई अन्तर्राष्ट्रिय क्रिकेट रंगशालामा भएको खेलमा टस जितेको अष्ट्रेलियाले पहिले ब्याटिङ गर्दै २६४ रन बनाएको थियो।
अष्ट्रेलियाले दिएको २६५ रनको लक्ष्य पछ्याएको भारतले ४८.१ ओभरमा ६ विकेट गुमाउँदै लक्ष्य पूरा गरेको हो। भारतका लागि विराट कोहलीले सर्वाधिक ४ रनको पारी खेले। शुभमन गिल ८ रनमा बोल्ड आउट हुँदा कप्तान रोहित शर्माले २९ बलमा ३ चौका र १ छक्कासहित २ रन बनाए।
यस अय्यरले ४५, अक्षर पटेलले २७, हार्दिक पाण्ड्याले २८ रन बनाउँदा केएल राहुल ४२ रन र रविन्द्र जडेजा २ रनमा अविजित रहँदै भारतलाई जित दिलाएका हुन्।
एडम जाम्पा र नथान एलिसले समान २–२ विकेट लिए। वेन ड्वारसुइस र कोपर कोनोले १–१ विकेट लिए। त्यअघि ब्याटिङ गरेको अष्ट्रेलिया ४९.३ ओभरमा २६४ रन बनाउँदै अलआउट भयो।
अष्ट्रेलियाका लागि कप्तान स्टिभ स्मिथले सर्वाधिक ७३ रनको पारी खेले। उनले ९६ बलमा ४ चौका र १ छक्का प्रहार गरे। मार्नुसले २९ र एलेक्स क्यारीले ६१ रन बनाए। अन्य खेलाडीको भने ब्याटबाट राम्रो रन बन्न सकेन।
भारतका लागि मोहम्मद शामीले सर्वाधिक ३ विकेट लिए। वरुण चक्रवर्ती र रविन्द्र जडेजाले समान २–२ विकेट लिए। कुलदिप यादव र अक्षर पटेलले १–१ विकेट लिए। आज हुने न्युजिल्यान्ड र दक्षिण अफ्रिका बीच हुने खेलको विजेताले फाइनलमा भारतसँग खेल्नेछ।
