: अष्ट्रेलियन ब्याटर स्टिभ स्मिथले एकदिवसीय अन्तर्राष्ट्रिय क्रिकेटबाट सन्यास लिएका छन् । च्याम्पियन्स ट्रफीमा अष्ट्रेलियन टिमको कप्तानी गरेका थिए । सेमिफाइनलमा भारतसँग पराजित भएपछि उनले एकदिवसीय क्रिकेटबाट सन्यासको घोषणा गरेका हुन् ।
उनले अन्य २ फर्म्याटमा भने अष्ट्रेलियालाई प्रतिनिधित्व गर्नेछन् । उनले एकदिवसीय अन्तर्राष्ट्रियबाट सन्यास लिए पनि टेष्ट र टी२० फर्म्याट भने खेल्ने छन् ।
३५ वर्षीय स्मिथले २०२७ को एकदिवसीय विश्वकपमा अष्ट्रेलियन टिममा देखिने छैनन् । ‘यो निकै उत्कृष्ट यात्रा रह्यो । २ वटा एकदिवसीय विश्वकप क्रिकेट करिअरको हाइलाइट नै रह्यो । उत्कृष्ट टिममेटहरुका साथमा रमाइलो रह्यो ।’ , उनले भने, ‘अब २०२७ को विश्वकपका लागि तयारी गर्ने समय हो । र मेरो निर्णय लिने पनि यो सही समय हो ।’
उनले अष्ट्रेलियन टिममा रहेर सन् २०१५ र २०२३ को एकदिवसीय विश्वकप जितेका थिए ।
स्मिथलृ अष्ट्रेलियाका लागि १७० एकदिवसीय अन्तर्राष्ट्रिय खेल खेलेका छन् । जसमा उनले १२ शतक र ३५ अर्धशतकसहित ५ हजार ८ सय रन बनाउँदै २८ विकेट लिएका छन् ।
