। छैटौं एसियाली महिला कबड्डी च्याम्पियनसिपमा नेपालले समूह चरणको पहिलो खेलमा इराकसँग खेल्ने भएको छ । मार्च ६ देखि ८ सम्म इरानको तेहरानमा हुने च्याम्पियनसिपमा नेपाल रहेको समूह बी मा इरान र इराक छन् ।
नेपालले समूहको दोस्रो खेल मार्च ७ मा इरानसँग खेल्नेछ । भारत, बंगलादेश, थाइल्यान्ड र मलेसिया समूह ए मा छन् । सहभागी टोलीलाई २ समूहमा विभाजन गरी लिग कम नकआउट आधारमा खेल खेलाइने छ ।
दुवै समूहको शीर्ष दुई टोली सेमिफाईनल प्रवेश गर्नेछन् । नेपालको महिला टोलीले चीनको हान्झाउमा भएको १९औं एसियन गेम्समा कास्य पदक जितेको थियो ।
मानमति विष्टको कप्तानीमा रहेको नेपाली टोलीमा जयन्ती बडू, रविना चौधरी, गंगा घिमिरे, सिर्जनाकुमारी थारु, निशा बोहरा, निशा खत्री, मनीषा जोशी, आस्मा यादव र विनिता पण्डित क्षेत्री छन् ।
