— लिभरपुलले युरोपेली च्याम्पियन्स लिग अन्तिम १६ को पहिलो लेगमा बुधबार पेरिस सेन्ट जर्मेन (पीएसजी) लाई उसकै घरमा १–० ले पराजित गरेको छ । ब्राजिली गोलरक्षक एलिसनले शृंखलाबद्ध बचाउ गरेपछि लिरभपुल विजयी रहेको हो । उसका लागि निर्णायक गोल भने हार्भे इलिटले ८७ औं मिनेटमा गरे ।
एलिसनले यस जितमा आफ्नो प्रदर्शन खेल जीवनकै सबैभन्दा उत्कृष्ट रहेको बताए । अन्य खेलमा बार्सिलोना, बायर्न म्युनिक र इन्टर मिलान विजयी रहे । म्युनिकमा भएको खेलमा बायर्नले दस खेलाडीमा सीमित बायर लेभरकुजनलाई ३–० ले हरायो र त्यसमा ह्यारी केनले दुई गोल गरे । यस्तै, एक गोल जमल मुसियलाको नाममा रह्यो ।
बार्सिलोनाले भने आफै १० खेलाडीमा सीमित रहेर बेनफिकालाई १–० ले हराएको हो । पाहुना टिम बार्सिलोनाका लागि राफिन्हाले ६१ औं मिनेटमा एक गोल गोल गरे । इन्टरले भने फायनउडमाथि २–० को जित रच्यो । मार्कस थुरामले ३८ औं मिनेटमा पहिलो गोल गरेपछि लउटारो मार्टिनेजले ५० औं मिनेटमा दोस्रो गोल थपे ।
