: च्याम्पियन्स ट्रफीमा उत्कृष्ट प्रदर्शनपश्चात अफगानस्तानका अलराउन्डर अजमतुल्लाह ओमराजाइ एकदिवसीय अन्तर्राष्ट्रियको शीर्ष स्थानमा उक्लिएका छन्।
आइसीसीले बुधबार सार्वजनिक गरेको एकदिवसीय पुरुष खेलाडी वरियतामा उनी २ स्थान सुधार गर्दै शीर्ष स्थानमा उक्लिएका हुन्।
अफगानस्तान च्याम्पियन्स ट्रफीको सेमिफाइनल प्रवेश नगरे तापनि ओमराजाइले भने शीर्षमा छलाङ मारेका हुन्। उनले अफगानस्तानकै मोहम्मद नाबीलाई पछि पार्दै शीर्षमा उक्लिएका छन्। दोस्रो स्थानमा मोहम्मद नाबी र तेस्रो स्थानमा जिम्बावेका सिकन्दर राजा रहेका छन्।
उनले ३ खेलमा ७ विकेट लिएका छन्। जसमा इङ्लयन्डसँग म्याच विनिङ ५ विकेट सामेल गरिएको छ। उनले ब्याटिङ तर्फ १२६ रन प्रहार गरेका हुन्।
अफगानस्तानको अन्तिम क्रमतर्फका ब्याटर उनले खेल फसिसकेको अवस्था राम्रो रन बनाएका थिए। उनले ब्याटिङ तर्फको वरियतामा पनि १२ स्थान सुधार गर्दै २४ औं स्थानमा उक्लिएका छन्।
ब्याटिङमा भारतका सुभ्मन गिल शीर्ष स्थानमा रहेका छन्। दोस्रो स्थानका पाकिस्तानका बाबर आजम र तेस्रो स्थानमा दक्षिण अफ्रिकाका हेनरिच क्यालसिन रहेका छन्।
