मुख्य समाचार
गैरआवासीय नेपाली संघ र अस्ट्रेलियाका विभिन्न राज्य समितिहरूको आयोजनामा अस्ट्रेलियाका पाँच प्रमुख शहरहरूमा नेपाल फेस्टिभल हुने
गैरआवासीय नेपाली संघ र अस्ट्रेलियाका विभिन्न राज्य समितिहरूको आयोजनामा अस्ट्रेलियाका पाँच प्रमुख शहरहरूमा नेपाल फेस्टिभल हुने

: गैरआवासीय नेपाली संघ र अस्ट्रेलियाका विभिन्न राज्य समितिहरूको आयोजनामा अस्ट्रेलियाका पाँच प्रमुख शहरहरूमा नेपाल फेस्टिभल हुने भएको छ।


यस सांस्कृतिक उत्सवको पहिलो गन्तव्य मार्च ९ तारिखमा एडिलेड हुनेछ जहाँ नेपाल फेस्टिभलको सुरुवात गरिनेछ। त्यसपछि रंगीन यात्राले क्रमशः अन्य शहरहरू पार गर्दै अप्रिल ६ तारिखमा ब्रिस्बेनमा आफ्नो समापन गर्नेछ।

यस फेस्टिभलको मूल उद्देश्य नेपाली कला, संस्कृति, भाषा, खानपान र संगीतको झल्को दिनु हो। अस्ट्रेलियाका मुख्य शहरहरूमा आयोजना गरिने यी कार्यक्रमहरूले नेपाललाई अन्तर्राष्ट्रिय मञ्चमा झल्काउने छन्।



पहिलो चरणमा मार्च ९ तारिख आइतबार एडिलेडको एल्डर पार्कमा बिहान साढे १० बजेदेखि राति साढे १० बजेसम्म नेपालमय वातावरण बनाइने छ। यही उत्साहले मेलबर्नको फेडरेशन स्क्वायर, क्यानबेरामा स्टेज ८८ कमन वेल्थ पार्क, होबार्टको पार्लियामेन्ट हाउस लन, सालामान्का, र ब्रिस्बेनको मिड किंग जर्ज स्क्वायरमा नेपाल फेस्टिभललाई निरन्तरता दिइनेछ।

उत्सवमा नेपाली संस्कृति, परम्परा, नृत्य, गीत-संगीत र स्वादिलो नेपाली खानाका परिकारहरू प्रस्तुत गरिनेछन्। नेपाली समुदाय मात्र होइन, विविध संस्कृतिका मानिसहरू पनि यस कार्यक्रममा सहभागी भई नेपाललाई नजिकबाट अनुभव गर्ने अवसर पाउनेछन्।

फेस्टिभलले अस्ट्रेलियामा रहेका नेपालीहरूलाई आफ्नो पहिचानलाई झल्काउने अवसर प्रदान गर्नुका साथै, नेपाली कला र संस्कृतिको जगेर्ना गर्ने महत्त्वपूर्ण भूमिकासमेत निर्वाह गर्नेछ। नेपाली मौलिकता, एकता र उत्सवको माहोल यस पटक पनि विशेष र अविस्मरणीय रहनेछ।

प्रतिक्रिया दिनुहोस्
अन्य समाचारहरु
— भारत उत्तराखण्डको उत्तरकाशी जिल्लाको हर्षिल क्षेत्रको धरालीमा दुई साताअघि आएको बाढीमा बेपत्ता भएका नेपालीहरूका आफन्त घर फर्किन थालेका छन् । दुई सातासम्म खोजी गर्दा पनि बेपत्ता भएकाहरू नभेटिएपछि आफन्त घर फर्किन थालेका हुन् । आफन्तहरू धरालीबाट एक दिन पैदल हिँडेरै उत्तरकाशीसम्म र त्यहाँबाट बसमा आउने तयारीसहित हिँडेका हुन् । ‘दुई सातासम्म बगरमा डुल्दा–डुल्दा केही भेटिएन, ...
। अमेरिकाले नेपाली नागरिकलाई दिएको टेम्पोररी प्रोटेक्टेड स्टाटस (टीपीएस) सुविधा खारेज गर्ने निर्णय कार्यान्वयनको बाटो खुलेको छ । अमेरिकाको संघीय पुनरावेदन अदालतले ट्रम्प प्रशासनको पक्षमा निर्णय गरेपछि टीपीएस सुविधा खारेज गर्ने निर्णय कार्यान्वयनको बाटो खुलेको हो । यससँगै अमेरिकामा टीपीएसका आधारमा रहँदै आएका करिब ७ हजार नेपाली स्वदेश फर्किनैपर्ने भएको छ । नेपालमा सन् २०१५ मा आएको ...
: संयुक्त राज्य अमेरिकाका इजरायलस्थित राजदूत माइक हकाबीले बिपिन जोशीका आमा र बहिनीसँग भेटवार्ता गरेका छन्। राजदूत हकाबीले जोशी परिवारप्रति ऐक्यबद्धता जनाउँदै अपहरित सबै बन्दीहरूको तत्काल रिहाइको लागि दबाब बढाउनुपर्ने बताए। 'हमासको कब्जामा रहेका प्रत्येक बन्दीलाई तुरुन्त मुक्त गराउन हाम्रो पनि माग छ। हामीले निरन्तर यसप्रति दबाब दिँदै आएका छौं,' भेटका क्रममा उनले भने। कृषि अध्ययनका ...
: वैदेशिक रोजगारको क्रममा साउदी अरेबिया पुगेका नेपालीहरूले नेपाली दूतावास साउदीबाट श्रम स्वीकृतिको वैधानिकीकरण (नवीकरण) सुरु गरेका छन्। गत शुक्रबार नेपाली राजदूत डा. नरेश विक्रम ढकाल र श्रम, रोजगार तथा सामाजिक सुरक्षामन्त्री शरद सिंह भण्डारीको उपस्थितमा भर्चुअल माध्यमबाट बैधानिकरण श्रम स्वीकृति सुर गरिएको हो। राजदूत ढकालले साउदी कार्यरत नेपालीलाई सहजीकरण गर्ने उद्देश्यले सो सुविधा ...
। दक्षिण कोरियामा कोमा रहेका उदयपुरको चौदण्डीगढी-५ बेल्हा निवासी कमल चौधरीको निधन भएको छ । विगत डेढ महिनादेखि कोरियाको बुसानस्थित अस्पतालमा कोमामा अचेत अवस्थामा रहेका चौधरीको निधन भएको हो । एकाएक ढलेपछि अस्पताल पुर्‍याइएका उनी अचेत अवस्थामै थिए । उपचारकै क्रममा उनको निधन भएको कोरियमा रहेका उनका सालो पुरूषोत्तम चौधरीले जानकारी दिए । कमल चौधरी कसरी र ...