: छैटौं एसियन महिला कबड्डी च्याम्पियनसिपमा नेपालले कास्य जितेको छ। सेमिफाइनलमा भारतसँग पराजित हुँदै नेपाल कास्यमा सीमित बनेको हो।
सेमिफाइनलमा भारतसँग ५६-१८ ले पराजित हुँदै नेपाल तेस्रो भएको हो। त्यस्तै दोस्रो सेमिफाइनलमा इरानसँग पराजित हुँदै बंगलादेश पनि कास्य विजेता बनेको छ।
सेमिफाइनलमा नेपाललाई हराउँदै भारत फाइनल प्रवेश गरेको छ। त्यस्तै बंगलादेशलाई हराउँदै इरानले उपाधिका लागि भारतसँगको भेट पक्का गरेको हो।
समूह एमा रहेको नेपालले एक हार र एक जितसहित सेमिफाइनलमा स्थान बनाएको थियो। समूह चरणको खेलमा इराकलाई ६८-६ ले हराएको नेपालले इरानसँग ४७-१४ हार बेहोरेको थियो।
