: श्रीलंका चेस फेडेरेसनको आयोजनामा सञ्चालन हुने एसियन जोनल ३.२ चेस च्याम्पियनसिपमा सहभागी नेपाली टोली श्रीलंका प्रस्थान गरेको छ । प्रतियोगितामा आयोजक श्रीलंकासहित नेपाल, बंगलादेश, पाकिस्तान, माल्दिभ्स र भुटानका खेलाडीले प्रतिस्पर्धा गर्ने छन् ।
मार्च १८ सम्म सञ्चालन हुने प्रतियोगितामा नेपालका रुपेश जैसवाल, सिन्दिरा जोशी र पुरुषोत्तम सिलवालले प्रतिस्पर्धा गर्ने छन् । नौ चरणको स्टान्डर्ड क्लासिकल खेलको पहिलो ४० चालका लागि ९० मिनेटको समय निर्धारण गरिएको छ भने ३० मिनेट ३० सेकेन्ड इन्क्रिजमेन्ट थप हुने जनाइएको छ ।
प्रतियोगिताको पुरुषतर्फका शीर्ष तीन विजेताले क्रमशः एक हजार पाँच सय, एक हजार र पाँच सय डलर नगद पुरस्कार पाउने छन् । महिलातर्फका विजेताले भने एक हजार, ६ सय र चार सय डलर पुरस्कार पाउने छन् । प्रतियोगितामा सहभागी हुने खेलाडीलाई राष्ट्रिय खेलकुद परिषद्का सदस्यसचिव टंकलाल घिसिङले सोमबार बिदाइ गरेका थिए ।
