मुख्य समाचार
नेपाल ओलम्पिक कमिटी (एनओसी) विवाद समाधान उन्मुख
नेपाल ओलम्पिक कमिटी (एनओसी) विवाद समाधान उन्मुख

: नेपाल ओलम्पिक कमिटी (एनओसी) विवाद समाधान उन्मुख देखिएको छ । हालै एसियाली ओलम्पिक काउन्सिल (ओसीए)को मुख्यालयमा बसेको बैठकले दुई बुँदे समझदारीमा हस्ताक्षर गर्दै मिलेर अगाडि बढ्न सहमति गरेपछि लामो समयदेखि विवादित बनेको एनओसी विवाद समाधान उन्मुख देखिएको हो ।


ओसीएका महानिर्देशक हुसेन अल मुसाल्लामको अध्यक्षतामा मंगलबार बसेको बैठकले दुई बुँदे सम्झौता भएको छ । सम्झौतामा एनओसीको सदस्यता माग गर्दै आएका पाँच संघलाई सदस्यता दिने र उनीहरूले अदालतमा दायर गरेको मुद्दा यथाशीघ्र फिर्ता लिने उल्लेख गरिएको छ ।

एनओसी अध्यक्ष जीवनराम श्रेष्ठसमेत उपस्थित बैठकमा पाँच राष्ट्रिय संघका प्रतिनिधिले दुई बुँदे सम्झौतामा हस्ताक्षर गरेका थिए । बैठकमा नेपाल मोडर्न पेन्टाथलन संघका अध्यक्ष राजेन्द्र श्रेष्ठ, नेपाल इक्वेस्ट्रियन संघका अध्यक्ष रविराज कर्णिकार, नेपाल रग्बी संघका अध्यक्ष दीपक देवकोटा, नेपाल स्केटिङ तथा स्केटबोर्डिङ संघका अध्यक्ष अच्युत खनाल र नेपाल बेसबल तथा सफ्टबल संघका अध्यक्ष दीपक न्यौपाने सहभागी थिए ।



बैठकले पाँच संघलाई नयाँ सदस्यता दिनका लागि १५ दिनभित्र एनओसीको विशेष साधारणसभा आह्वान गर्ने र सो साधारणसभाले नयाँ सदस्यताको मान्यता दिने सहमति भएको हो ।
एनओसीको साधारणसभा, विधान संशोधन र निर्वाचनका विषयमा उठेको विवाद र त्यसको निराकरणको जिम्मा अन्तर्राष्ट्रिय ओलम्पिक कमिटी (आईओसी) ले ओसीएलाई दिएको थियो । गत फेब्रुअरी ९ मा चीनको हर्विनमा आयोजना भएको नवौं विन्टर एसियन गेम्सका अवसरमा ओसीएले नेपाल ओलम्पिक कमिटीमा देखिएको विवादका विषयमा छलफल आयोजना गरेको थियो । त्यसपछि आईओसीका निर्देशक जेम्स म्याकलियोडले एनओसी अध्यक्ष जीवनराम श्रेष्ठ र कमिटीमा आवद्ध संघहरूलाई पत्र लेख्दै पछिल्लो समय देखिएको विवाद समाधानको पहल ओसीएले गर्ने जानकारी गराएका थिए ।

यसअघि आईओसी र ओसीएले गत माघ २३ मा पत्राचार गर्दै सधारणसभा र निर्वाचनको विवाद अदालतमा पुगेको र त्यसको अन्तिम निर्णयको नहुञ्जेलसम्म ‘पर्ख र हेर’ को अवस्थामा रहेको जनाएको थियो । एनओसीको साधारणसभा र निर्वाचनका विषयमा पछिल्लो समय विभन्न प्रश्नहरू उठेको जनाउँदै त्यस बारे आफूहरू सचेत रहेको उल्लेख गरेको थियो ।

एनओसीको विधान संशोधन गैरकानुनी रहेको भन्दै उच्च अदालत पाटनमा मुद्दा दायर गरिएको थियो । उच्च अदालतले पूर्व निर्धारित समयमा साधारणसभा नगर्न आदेश दिएको थियो । एनओसीले भने उच्च अदालतको आदेश समयमै नपाएको भन्दै साधारणसभा गरी विधान संशोधन गरेको थियो ।

प्रतिक्रिया दिनुहोस्
अन्य समाचारहरु
। अस्ट्रेलियाको नर्दन टेरिटोरीमा जारी टप एन्ड टी-२० सिरिजमा नेपालले पहिलो जित निकालेको छ । आफ्नो चौथो खेलमा नेपालले होबार्ट हरिकेन्सलाई ६६ रनले हराएको हो । नेपालले दिएको १८१ रनको लक्ष्य पछ्याएको होबार्ट १६.१ ओभरमा ११४ रनमा अलआउट भयो । नेपालको जितमा नन्दन यादवले ३ ओभर बलिङ गर्दै १७ रन दिएर ५ विकेट लिए । त्यस्तै ...
। नेपाली गोलकिपर प्रशिक्षक मनिष तिम्सिना अफगानिस्तान राष्ट्रिय फुटबल टिमको गोलकिपिङ प्रशिक्षक नियुक्त भएका छन् । उनले सामाजिक सञ्चालमार्फत यसको जानकारी दिँदै खुशी व्यक्त गरेका छन् । विदेशी टिममा गोलकिपिङ प्रशिक्षक बन्ने उनी पहिलो नेपाली गोलकिपर प्रशिक्षक हुन् । अफगानिस्तान फुटबल टोलीको मुख्य प्रशिक्षकमा नेपाली राष्ट्रिय टोलीका पूर्व प्रशिक्षक भिसेन्जो एनेस छन् । अफगानिस्तानले काफा नेसनल कपका लागि ...
। अस्ट्रेलियाको नर्दन टेरिटोरीमा जारी टप एन्ड टी-२० सिरिजको आफ्नो चौथो खेलमा नेपालले मंगलबार होबार्ट हरिकेन्ससँग खेल्दै छ । डार्विनको पार्मर्स्टनस्थित काजालिस एरेनामा हुने खेल विहान नेपाली समयअनुसार सवा ११ बजे सुरु हुनेछ । नेपाली टोलीको कप्तानमा रोहित पौडेल छन् भने हरिकेन्सको कप्तानमा बिग ब्यासका अनुभवी खेलाडी म्याकालिस्टर राइट छन् । नेपाल हालसम्म खेलेका तीनवटै खेलमा पराजित ...
: टप एण्ड टी-२० सिरिजमा नेपाल मेलवर्न स्टार्ससँग ३१ रनले पराजित भएको छ । नदर्न टेरिटोरीमा भएको खेलमा नेपालको यो तेस्रो हार हो। मेलवर्न स्टार्सले दिएको १७६ रनको विजयी लक्ष्य पछ्याएको नेपालले निर्धारित २० ओभरमा ७ विकेट गुमाउँदै १४४ रन बनाएको हो। नेपालका लागि ओपनर ब्याटर आसिफ शेखले सर्वाधिक ५३ रन बनाए। उनले ४९ बलमा ...
— नयाँ फरवार्डहरू लिन ठूलो खर्च गरे पनि म्यानचेस्टर युनाइटेड आइतबार इंग्लिस प्रिमियर लिगको आफ्नो पहिलो खेलमा आर्सनलसँग १–० ले पराजित भयो । यसले आर्सनलको उपाधि दाबेदारीलाई पनि प्रस्तुत गरेको छ । ओल्ड ट्राफोर्डमा रिकार्डो कालाफिओरीले खेलको एक मात्र गोल गरे । युनाइटेडका निमित्त गोलरक्षक एल्टे बायिन्दिरले गरेको गल्तीमा इटालियन रक्षकको फाइदा उठाउँदै गोल गरेका थिए । पछिल्ला तीन ...