मुख्य समाचार
इराक र सिरियामा इस्लामिक स्टेट (आईएस) का वरिष्ठ नेता अब्दुल्ला मक्की मुस्लीह अल-रिफा मारिएको घोषणा
इराक र सिरियामा इस्लामिक स्टेट (आईएस) का वरिष्ठ नेता अब्दुल्ला मक्की मुस्लीह अल-रिफा मारिएको घोषणा

। इराकका प्रधानमन्त्री मोहम्मद शिया अल-सुदानीले इराक र सिरियामा इस्लामिक स्टेट (आईएस) का वरिष्ठ नेता अब्दुल्ला मक्की मुस्लीह अल-रिफा मारिएको घोषणा गरेका छन्।

इराकी नेशनल इन्टेलिजेन्स सर्भिस र अमेरिकी नेतृत्वको गठबन्धन सेनाले संयुक्त रूपमा सञ्चालन गरेको विशेष अपरेसनमा अबू खादीजा भनेर चिनिने अल-रिफाको मृत्यु भएको दाबी गरिएको हो।




प्रधानमन्त्री सुदानीका अनुसार अबू खादीजालाई ‘इराक र विश्वकै सबैभन्दा खतरनाक आतंककारीमध्ये एक’ मानिन्थ्यो।

अमेरिकी सेनाले के भन्यो ?

अमेरिकी सेन्ट्रल कमाण्डले सामाजिक एक्समा एक भिडियो सार्वजनिक गर्दै यो आक्रमण बिहीबार इराकको पश्चिमी अल-अनबार प्रान्तमा गरिएको जानकारी दिएको छ।

सेन्ट्रल कमाण्डका अनुसार अबू खादीजा आईएसको निर्णय गर्ने सर्वोच्च निकायका प्रमुख थिए र उनी संगठनका वैश्विक अभियान, रसद आपूर्ति र योजनाका मुख्य जिम्मेवार व्यक्ति थिए।

साथै, आईएसका लागि ठूलो आर्थिक कोषको व्यवस्थापन पनि उनीबाट नै भइरहेको अमेरिकी सेनाको भनाइ छ।

ट्रम्पको प्रतिक्रिया

अमेरिकी राष्ट्रपति डोनाल्ड ट्रम्पले यस कारबाहीलाई अमेरिकी सेनाको सफलताको रूपमा चित्रित गर्दै भनेका छन्, ‘हाम्रा निडर सैनिकहरूले निरन्तर उनको पिछा गरे ।’

यस कारबाहीलाई अमेरिकी नेतृत्वको आईएसविरुद्धको दीर्घकालीन रणनीतिको निरन्तरता मानिएको छ। विगतमा पनि अमेरिकी सेनाले आईएसका शीर्ष नेताहरूलाई लक्षित गर्दै विशेष अभियान सञ्चालन गर्दै आएको छ।

यस घटनाले इराक, सिरिया र समग्र मध्यपूर्वमा आतंकवादविरुद्धको लडाइँमा नयाँ प्रभाव पार्ने सम्बद्ध पक्षको जिकिर छ ।

प्रतिक्रिया दिनुहोस्
अन्य समाचारहरु
: पाकिस्तानले चीनको सिचाङ स्याटेलाइट प्रक्षेपण केन्द्रबाट आफ्नो रिमोट सेन्सिङ स्याटेलाइट प्रक्षेपण गरेको छ। पाकिस्तानको विदेश मन्त्रालयले विज्ञप्ति जारी गर्दै चीनको सहयोगमा भूउपग्रह प्रक्षेपण गरिएको जानकारी दिएको हो। विज्ञप्तिमा भनिएको छ,‘उपग्रहले उच्च गुणस्तरका तस्बिरहरू पठाउनेछ। यसले पाकिस्तानलाई सहरहरूको योजना बनाउन, सडक र भवनहरू विकास गर्न, प्राकृतिक प्रकोपहरूको सामना गर्न, कृषिको अनुगमन गर्न, जलवायु परिवर्तन बुझ्न, ...
: अमेरिकामा लडाकु विमान दुर्घटनाग्रस्त भएको छ। अमेरिकाको क्यालिफोर्नियामा रहेको नेभल एयर स्टेशन लेमूर नजिकै एफ–३५ लडाकु विमान दुर्घटनाग्रस्त भएको हो। अमेरिकी नौसेनाका अधिकारीहरूले पाइलट विमानबाट बाहिर निस्कन सफल भएको जानकारी दिए। घटनाबारे एनएएस लेमूरले विज्ञप्ति जारी गर्दै पाइलट सफलतापूर्वक विमानबाट बाहिर निस्केका र अन्य कुनै पनि कर्मचारी प्रभावित नभएको जनाएको छ। ...
: अमेरिकी राष्ट्रपति डोनाल्ड ट्रम्पले भारतमाथि २५ प्रतिशत कर लगाउने घोषणा गरेपछि विपक्षीहरू दलहरूले केन्द्र सरकारमाथि तीखो टिप्पणी गरेका छन्। समाजवादी पार्टीका अध्यक्ष अखिलेश यादवले ट्रम्पले गरेको यो घोषणा खराब दिनको सुरुवात भएको बताएका छन् । बिहीबार पत्रकारहरूसँग कुरा गर्दै उनले भने,'यो नराम्रो दिनको सुरुवात हो। किनकि यस देशका युवाहरूलाई रोजगारी चाहिन्छ। यदि यस्ता अवरोधहरू छन् ...
: अमेरिकी राष्ट्रपति डोनाल्ड ट्रम्पले दक्षिण कोरियाबाट निर्यात हुने सामानमा १५ प्रतिशत कर लगाउने बताएका छन्। उनको यो घोषणा दक्षिण कोरियासँगको व्यापार सम्झौता पछि आएको हो। ‘मलाई यो घोषणा गर्न पाउँदा खुसी लागेको छ। संयुक्त राज्य अमेरिका दक्षिण कोरियासँग व्यापार सम्झौतामा पूर्ण रूपमा सहमत भएको छ,’ राष्ट्रपति ट्रम्पले सामाजिक सञ्जालमा लेखे। दक्षिण कोरियाली राष्ट्रपति ली ...
: भारतमाथि २५ प्रतिशत कर लगाउने घोषणा गरेका अमेरिकी राष्ट्रपति डोनाल्ड ट्रम्पले भारतले रुसलाई के गर्छ भन्ने कुरा आफूलाई मतलब नभएको बताएका छन्। ट्रम्पले भनेका छन्,'भारतले रुसलाई के गर्छ मलाई मतलब छैन।' यसअघि बुधबार ट्रम्पले अगस्ट १ देखि भारतबाट अमेरिका आउने सबै सामानमा २५ प्रतिशत भन्सार शुल्क लगाउने घोषणा गरेका थिए। उनले रुसबाट हतियार र तेल ...