— म्यानचेस्टर सिटीले इंग्लिस प्रिमियर लिगमा शनिबार ब्राइटनसँग बराबरी खेलेको छ र यो उसका लागि घाटाको नतिजा रहनेछ । एतिहाडमा भएको खेलमा सिटीले दुईपल्ट अग्रता लिएर पनि त्यसलाई जोगाउन सकेन् । सिटीका लागि इर्लिङ हालान्ड र ओमर मारमोसले गोल गरे ।
ब्राइटनका तर्फबाट भने पेरभिस स्टुपिनन र अब्डोकोडोर खुसानोभले गोल फर्काए । अर्को खेलमा नटिङ्घम फरेस्टले इपस्विच टाउनलाई ४–२ ले हरायो र अर्को सिजन च्याम्पियन्स लिग खेल्न सम्भावना बलियो बनायो । फरेस्ट ५४ अंकमा तेस्रो स्थानमा छ ।
उसले सिटीमाथि छ अंकको अग्रता खोलेको छ । सिटी भने ४८ अंकमा पाँचौं स्थानमा छ । अन्य खेलमा ब्रेन्टफोर्डले बर्नमाउथलाई २–१ र उल्भ्सले साउथह्याम्पटनलाई २–१ ले हरायो भने एभरटन र वेस्ट ह्यामले १–१ को बराबरी खेले ।
