: जिल्ला प्रहरी कार्यालय रौतहटले भन्सार छली गरी ल्याउँदै गरेको विभिन्न सामग्रीहरू बरामद गरेको छ।
प्रहरी टोलीले रौतहटको गौर नगरपालिका–३ स्थित सीमा क्षेत्रबाट अवैध रूपमा भारतबाट चोरी पैठारी गरी ल्याउँदै गरेको सामान नियन्त्रणमा लिएको हो।
प्रहरीका अनुसार बरामद सामानमध्ये किराना सामानको मूल्य ४५ हजार २ सय रुपैयाँ रहेको छ भने बरामद गरिएको २ वटा मोटरसाइकलको मूल्य १ लाख ३ हजार रहेको छ। प्रहरीका अनुसार बरामद ३ वटा साइकल गरी कुल १ लाख ४८ हजार २ सय बराबरको सामान बरामद गरिएको हो।
बरामद सामान आवश्यक कानुनी प्रक्रिया पूरा गरी गौर भन्सार कार्यालयमा बुझाइएको प्रहरी प्रवक्ता एवं सूचना अधिकारी दीपक कुमार रायले जानकारी दिए।
