मुख्य समाचार
राष्ट्रिय प्रतियोगितामा एपीएफ क्लबले कर्णाली प्रदेशलाई ५ विकेटले पराजित
राष्ट्रिय प्रतियोगितामा एपीएफ क्लबले कर्णाली प्रदेशलाई ५ विकेटले पराजित

: प्रधानमन्त्री कप पुरुष राष्ट्रिय प्रतियोगितामा एपीएफ क्लबले कर्णाली प्रदेशलाई ५ विकेटले पराजित गरेको छ।


सिद्धार्थनगरस्थित सिद्धार्थ क्रिकेट रंगशालामा टस जितेर ब्याटिङ गरेको कर्णाली प्रदेशले ४७ ओभरमा १८९ रनमा अलआउट भएको थियो।

कर्णालीले दिएको १९० रनको लक्ष्य पछ्याएको एपीएफका लागि दीपक बोहोरा र सुमित महर्जनले शतकीय साझेदारी गर्दै टिमलाई जित दिलाएका हुन्। एपीएफले १९० को लक्ष्य ३९.२ ओभरमा ५ विकेट गुमाउँदै पूरा गर्यो।



एपीएफका लागि दिपक बोहोराले सर्वाधिक ७० रनको अविजित पारी खेले। उनले ६७ बलमा ८ चौका र ४ छक्का प्रहार गरे। उनीसँगै छैटौं विकेटका १०४ रनको शतकीय साझेदारी गरेका सुमितको ब्याटबाट ३४ रन बन्यो। उनले ५३ बलमा ४ चौका र १ छक्का प्रहार गर्दै अविजित रहँदै विजयी इनिङ्स खेले।

एपीएफका ओपनरद्वय लोकेश बम र आशिफ शेखले क्रमशः २२ र २५ रन बनाए। कप्तान रोहित पौडेलले २२ रन बनाए। सन्दीप जोरा र भुवन कार्कीले समान ६–६ रन बनाए। कर्णालीका लागि कप्तान दिवान पुन र दिपेन्द्र रावतले समान २–२ विकेट लिए। प्रकाश जैशीले १ विकेट लिए।

पहिलो इनिङ्समा ब्याटिङ गरेको कर्णालीका लागि ओपनर ब्याटर सुनिल धमलाले सर्वाधिक ४७ रन बनाए। उनले ७५ बलमा ५ चौका र १ छक्का प्रहार गरेका हुन्। प्रकाश जैशीले २०, अर्जुन घर्तीले १०, दिनेश अधिकारीले ३३ रन बनाउँदा कप्तान दिवान पुनले १२ रन बनाए। दिपेन्द्र रावत ३० रनमा अविजित रहे।

एपीएफका लागि बायाँ हाते स्पिनर अभिषेश गौतमले सर्वाधिक ४ विकेट लिए। उनले १० ओभरमा २ मेडनसहित ३३ रन खर्चिए। कमल सिंह ऐरीले ३ विकेट लिँदा किशोर महतो, रोहित पौडेल, भुवन कार्की र दीपक बोहोराले सर्वाधिक १–१ विकेट लिए। एपीएफले कुल ४ खेलमा ३ जित र १ हारसहित ८ अंक जोडेको छ। कर्णालीले भने समान ४ खेलमा १ जित र ३ हार बेहोद २ अंक जोडेको छ।

प्रतिक्रिया दिनुहोस्
अन्य समाचारहरु
। राष्ट्रिय खेलकुद परिषद्का सदस्य सचिव टंकलाल घिसिङले एशियाली खेलकुदमा स्वर्ण सहित दोहोरो पदका लागि सुरु गरिएको मिसन २०२६ खेलकुदको महत्वपूर्ण अभियान भएको बताएका छन् । मिसन २०२६ को समिक्षा बैठकमा सदस्य सचिव घिसिङले एसियाली खेलकुदमा पदक ल्याउने प्रयास देशकै अभियान भएको उल्लेख गरे । राष्ट्रिय खेलकुद परिषद्ले सन् २०२६ मा जापनमा आयोजना हुने २०औं एसियाली ...
। युगाण्डामा जारी चार देश सम्मिलित वुमन्स डे कपमा नेपाल चौथो स्थानमा सीमित भएको छ । आइतबारका लागि तय भएको तेस्रो स्थानको खेल वर्षाका कारण रद्द भएपछि नेपाल अंकतालिकाका आधारमा चौथोमै सीमित भएको हो । समूह चरणका ६ खेलमध्ये २ खेल मात्र जितेको नेपालको ४ अंक थियो । तेस्रो स्थानमा रहेको हङकङको ६ अंक थियो । ...
: नेपाल सुपर लिग (एनएसएल)को फ्रान्चाइज टोली बुटवल लुम्बिनीले जापानी फरवार्ड केन्ता हारालाई टिममा अनुबन्ध गरेको छ। तेस्रो संस्करणको एनएसएलका लागि केन्तासँग बटुवाले सम्झौता गरेको हो। उनीसँग हङकङ इन्डोनेसिया मलेसिया बोस्निया र जर्मनीका क्लबबाट खेलेको अनुभव रहेको छ। उनले पछिल्लो पटक इन्डोनेसियाको लिग खेलेका थिए। कान्ता बुटवल लुम्बिनीमा भित्रिने चौथो विदेशी खेलाडी हुन्। यसअघि नाइजेरियन मिडफिल्डर ...
: नेपाल सुपर लिग (एनएसएल)को फ्रेन्चाइज टिम एफसी चितवनले जमैकन गोलकिपर अमल नाइटलाई अनुबन्ध गरेका छ । तेस्रो संस्करणको एनएसएलका लागि नाइटसँग सम्झौता गरेको सामाजिनक सञ्जालबाट जानकारी दिएको छ। नाइटसँग जमैकन र अमेरिकन लिग खेलको अनुभव छ। उनले पछिल्लो पटक अमेरिकी दोस्रो डिभिजनको क्लब लेक्सिङ्टन एससीबाट खेलेका थिए। नाइटले सन् २०१८ मा जमैकन राष्ट्रिय टोलीका ...
: वुमन्स डे कप २०२५ को तेस्रो स्थानका लागि हुने नेपाल र हङकङ बीचको खेल वर्षाको कारण रद्द भएको छ। तालिकाको पुछारमा रहेको टिम नेपालले तेस्रो स्थानमा रहेको हङकङसँग तेस्रो स्थानका लागि खेल्ने तालिका रहेको थियो। नेपालले प्रतियोगिताको ६ खेलमा २ जित हात पार्यो भने ४ हार बेहोर्यो। यससँगै नेपाली टिमको लागि यो प्रतियोगिता सकिएको ...