: सांसदले नेपाल वायु सेवा निगम घाटामा जानुको कारण सोधेका छन्। आइतबार प्रतिनिधिसभा बैठकमा बोल्दै सांसद प्रभु साहले नेपाल एयरलाइन्स घाटामा जानुको कारण सरकारसँग सोधेका हुन्।
उनले भने,'नेपाल एयरलाइन्सले आफ्नो जहाज उडाउन सकेको छैन। वर्षौदेखि डोमेस्टिक जहाजहरू थन्क्याइएको छ। डोमेस्टिक उडानका लागि चाइनाबाट खरिद गरि ल्याइएका ५/५ वटा विमान यत्तिकै थन्काउँदा हामीले के भन्ने। ती जहाजहरूलाई कि त उडाउनुपर्यो कि त व्यवस्थापन गर्नुपर्यो।खर्च बढाएर सरकारले के सन्देश दिन चाहेको हो ?
उनले फुल फेजमा उडान भर्न आग्रह समेत गरे। सांसद साहले सरकारले नेपाल एयरलाइन्सलाई डुबाएर कसरी सेवा गर्न चाहेको हो ? भन्दै प्रश्न समेत गरे।
