: काठमाडौंको शान्तिनगरमा एक पुरुषको शव फेला परेको छ। शान्तिनगरस्थित कोरियन्टर गार्डेन नजिकै एक पुरुषको शव फेला परेको प्रहरी वृत्त बानेश्वरले जानकारी दिएको छ।
प्रहरीका अनुसार उक्त शव रामेछाप लिखु-६ नागी घर भई काठमाडौंको कोटेश्वर बस्दै आएका सोनाम लामको रहेको छ। उनको शव आइतबार साँझ साढे ६ बजे फेला परेको प्रहरीको भनाइ छ।
घटनास्थलको मुचुल्का गरेर शवलाई शिक्षण अस्पताल महाराजगन्ज पठाइएको छ। घटनाको प्रहरी निरीक्षक धन रावलको नेतृत्वका घटनाबारे अनुसन्धान भइरहेको प्रहरीले जानकारी दिएको छ।
