मुख्य समाचार
कर्णाली प्रदेशले कोशी प्रदेशलाई १२७ रनले पराजित
कर्णाली प्रदेशले कोशी प्रदेशलाई १२७ रनले पराजित

: प्रधानमन्त्री कप पुरुष राष्ट्रिय प्रतियोगितामा कर्णाली प्रदेशले कोशी प्रदेशलाई १२७ रनले पराजित गरेको छ। भैरहवास्थित एक्स्ट्राटेक ओभलमा टस जितेको कर्णालीले दिएको २१९ रनको लक्ष्य पछ्याएको कोशी ३५ ओभरमा ९१ रन बनाउँदै अलआउट भएको हो।


कोशीका लागि शीर्ष क्रममा ३ ब्याटरबाहेक अरू कसैले पनि दोहोरो अंकमा रन बनाएनन्। कोशीका लागि ओपनर चिराग शाहले सर्वाधिक २५ रन बनाए। उनले ५२ बल खेल्दै ४ चौका प्रहार गरेका हुन्। अर्का ओपनर सकिब हकले १३ र कप्तान अंकित सुवेदीले १० रन बनाए। अन्य कुनै पनि ब्याटरले दोहोरो अंकमा रन बनाउन सकेनन्।

कर्णालीका लागि दिपेन्द्र रावत र सुनिल धमलाले समान ३–३ विकेट लिए। कप्तान दिवान पुनले २ र अनुज चनाराले १ विकेट लिए। त्यसअघि ब्याटिङ गरेको कर्णालीले निर्धारित ५० ओभरमा ९ विकेट गुमाउँदै २१८ रन बनाएको थियो।



कर्णालीका लागि अर्जुन घर्तीले सर्वाधिक ८८ रनको अविजित पारी खेले। उनले ९५ बलमा ११ चौका र २ छक्का प्रहार गरेका हुन्। ओपनरद्वय सुनिल धमलाले र विपिन रावलले क्रमशः १३ र १० रन बनाए। निश्चल रावलले २० रन, हिमान्शु शाहीले ४६ रन बनाउँदै क्याच भए। प्रकाश जैशीले १८ रन बनाउँदा अन्य कुनै पनि ब्याटरले दोहोरो अंकमा रन बनाउन सकेनन्।

कोशीका लागि विपिन महतोले सर्वाधिक ३ विकेट लिए। दिपेश कँडेल र प्रकाश कार्कीले २–२ विकेट लिँदा श्रवण किस्कु र सुजन थपलियाले १–१ विकेट लिए। यो जितसँगै कर्णालीले अंक तालिकामा छलाङ मारेको छ। ५ खेलमा २ जित र ३ हार बेहोरेको कर्णाली ४ अंकसहित पाँचौं स्थानमा उक्लियो। कोशी भने ६ खेलमा १ मात्र जितसहित तालिकाको पुछारमा रहेको छ।

प्रतिक्रिया दिनुहोस्
अन्य समाचारहरु
: सिंगापुरसँग मैत्रीपूर्ण खेल र एसियन कप छनोट खेल्न जान लागेका नेपाली राष्ट्रिय फुटबल टिमलाई बिदाइ गरिएको छ । मंगलबार काठमाडौंमा राखेप सदस्यसचिव टंकलाल घिसिङ र एन्फा पदाधिकारिहरूले नेपाली राष्ट्रिय फुटबल टिमलाई बिदाइ गरेका हुन् । नेपालले यही चैत ८ गते सिंगापुरसँग मैत्रीपूर्ण खेल खेल्नेछ भने एसियन कप छनोटमा चैत १२ गते मलेसियासँग उसकै घरेलु मैदानमा ...
: अर्जेन्टिनी विश्वकप विजेता कप्तान लिओनल मेसीले विश्वकप छनोटको खेल गुमाउने भएका छन्। विश्वकप छनोटको खेलका लागि उनले ब्राजिल र उरुग्वे विरुद्धको खेल गुमाउने भएका हुन्। सोमबार प्रशिक्षक लिओनल स्कोलोनीले घोषणा गरेको २६ सदस्यीय टिममा मेसीको नाम छैन। उनी ग्रोइन समस्या(देब्रे तिघ्राको समस्या)का कारण इन्टर मियामीको पछिल्ला ३ खेल गुमाएपश्चात उनको नाम अर्जेन्टिनी टिममा नराखिएको हो। ...
। फिफा विश्वकप छनोटअन्तर्गत उरुग्वे र ब्राजिल विरुद्ध हुने खेलका लागि अर्जेन्टिनी टिम घोषणा भएको छ । तर टिममा स्टार खेलाडी लिओनल मेसी भने समावेश छैनन् । उनको मसल स्ट्रेनका कारण टिममा राखिएको छैन । अमेरिकी मेजर सकर लिग (एमएलएस) अन्तर्गत एटलान्टा विरुद्ध खेलमा मेसीको मसल्समा समस्या देखिएको स्थानिय मिडियाले लेखेका छन् । त्यसैल गर्दा ३७ वर्षीय ...
— न्युकासल युनाइटेड सात दशक लामो उपाधिको खडेरीलाई तोड्दै आइतबार लिग कप जितेको छ । वेम्बलीमा भएको फाइनलमा उसले लिभरपुलमाथि २–१ को जित निकालेको हो । न्युकासलले यसअघि सन् १९६९ मा अन्तिम पटक उपाधि जितेको थियो । डन बर्न र एलेक्जान्डर इसाकले न्युकासलका लागि गोल गरे । दोस्रो हाफको इन्ज्युरी समयको चौथो मिनेट फेडरिको चिसाले लिभरपुलका ...
: युवा फर्वाड सुवास बम ठकुरीलाई समेट्दै नेपालले मलेसिया र सिंगापुरसँग खेल्ने टिमको अन्तिम टोली घोषणा गरेको छ। प्रशिक्षक म्याट रोसले पहिलो पटक आफ्नो प्रशिक्षण अन्तर्गत २३ सदस्यीय नेपाली टोलीको घोषणा गरेका हुन्। प्रारम्भिक चरणमा २८ खेलाडीलाई बन्द प्रशिक्षणमा राखेर खेलाडी छनोट गरिएको हो। गोलकिपर एन्जल श्रेष्ठ, डिफेन्डर सुमन श्रेष्ठ र फर्वाडमा सुवास बम ठकुरी ...