: स्रोत नखुलेको ठूलो परिमाणको नगदसहित दुईजनालाई रौतहट प्रहरीले नियन्त्रणमा लिएको छ। सशस्त्र प्रहरी बल नेपाल सिमा गस्ती टोलीले ईशनाथ नगरपालिका-४ महुलियास्थित सीमा नाकामा चेकजाँच गर्ने क्रममा मधेश प्रदेश ०३-०३५ प ६४५५ नम्बरको मोटरसाइकलमा सवार परोहा नगरपालिका-५ का ३५ वर्षीय सहजाद देवान र राजपुर नगरपालिका-४ का ३२ वर्षीय शेख सरसाम पक्राउ परेका हुन् ।
सोमबार साँझ पक्राउ परेका उनीहरूको साथबाट स्रोत नखुलेको १ सयको ३ सय ९ थान र ५ सयको १ सय थान गरी कूल ३ लाख ५९ हजार नगद बरामद गरिएको छ ।
साथै, बरामद गरिएको नगदसहित उनीहरूलाई आवश्यक अनुसन्धान तथा कानुनी प्रक्रिया पूरा गर्न गौर भन्सार कार्यालय रौतहटमा बुझाइएको छ । बरामद भएको उक्त रकमको स्रोतबारे थप अनुसन्धान अघि बढाइएको सशस्त्र प्रहरी निरीक्षक संजित कुमार सिंहले बताए ।
