। युइएफए नेसन्स लिग फुटबलअन्तर्गत गएराति भएको खेलमा क्रोएसियाले फ्रान्समाथि जित निकालेको छ । क्वाटरफाइनलको पहिलो लेगमा क्रोएसियाले २-० को जित निकालेको हो ।
घरेलु मैदानमा क्रोएसियाको जितमा आन्टे बुडिमिर र इभान पेरिसिचले १-१ गोल गरे । दुवै गोल पहिलो हाफमा भएका थिए ।
खेलको २६औं मिनेटमा बुडिमिरको गोलमार्फत क्रोएसियाले खेलमा अग्रता लिएको थियो । पहिलो हाफको इन्जुरी समयमा पेरिसिचले गोल गर्दै अग्रता दोब्बर पारे ।
त्यसपछि थप गोल नहुँदा क्रोएसियाले पहिलो लेगमा २ गोलको अग्रता बनायो । अब दोस्रो लेगको खेल आउँदो सोमबार हुनेछ ।
