: प्रधानमन्त्री कप पुरुष राष्ट्रिय प्रतियोगितामा बागमती प्रदेशले चौथो जित दर्ता गरेको छ। बाँया हाते पेसर रिजन ढकाल र बाँया हाते स्पिनर सूर्य तामाङको उत्कृष्ट बलिङमा टस जितेर ब्याटिङ गरेको कर्णाली ५८ रनमा अलआउट भयो।
लमहीस्थित देउखुरी क्रिकेट रंगशालामा कर्णालीले दिएको ५९ रनको सामान्य लक्ष्य बागमतीले १ विकेट गुमाउँदै ६.३ ओभरमा पूरा गर्यो।
बागमतीका ओपनर ब्याटर इशान पाण्डेले सर्वाधिक २२ रन बनाउँदै क्याच आउट भए। उनले ११ बलमा २ चौका र १ छक्का प्रहार गरे।
अर्का ओपनर आशुतोष घिरौया १९ र शुभ कंसाकार १६ रनमा अविजित रहे। कर्णालीका लागि एक मात्र विकेट दिपेन्द्र रावतले लिए।
त्यसअघि बयाटिङ गरेको कर्णाली का लागि सुनिल धमलाले सर्वाधिक १९.२ ओभरमा ५८ रन बनाउँदै अलआउट भएको हो। कर्णालीका लागि सुनिल धमलाले सर्वाधिक १५ रन बनाए।
सुनिलले मात्रै दोहोरो अंकमा रन बनाए। उनी बाहेक कसैको ब्याटबाट पनि दोहोरो अंकमा रन जोडिएन।
बागमतीका लागि बलिङतर्फ रिजन ढकालले ८.१ ओभर बलिङ गर्दै १ मेडनसहित १९ रन मात्रै खर्चिए। सूर्य तामाङले ७ ओभरमा २ मेडनसहित १७ रन खर्चिँदै ४ विकेट लिए।
यो बागमतीको चौथो जित हो भने कर्णालीको चौथो हार हो। ८ खेल खेलेको बागमतीले ४ जित र ४ हार बेहोरेको छ। त्यस्तै कर्णाली पनि समान खेलबाट ४जित र ४ हार सहित ८ अंकमा रहेको छ।
