: इन्डियन प्रिमियर लिग (आइपिएल)मा दिल्ली क्यापिटल्सले विजयी सुरुवात गरेको छ। दिल्लीले लखनउ सुपरजायट्न्सलाई १ विकेटले हराएको हो।
विशाखा पटनामस्थित डा. वाइयस राज शेखरा रेडी क्रिकेट रंगशालामा टस हारेर ब्याटिङको निम्तो पाएको लखनउले २०९ रन बनाएको थियो।
लखनउले दिएको २१० रनको विजय लक्ष्य पछाएको दिल्ली क्यापिटल्सले १९.३ ओभरमा ९ विकेट गुमाउँदै लक्ष्य पूरा गरेको हो। दिल्लीका लागि अशुतोष शर्माले सर्वाधिक ६६ रनको अविजित पारी खेले। तल्लो मध्यक्रममा आएका उनले ३१ बलमा समान ५ चौका र ५ छक्का प्रहार गरे।
दिल्लीका लागि ओपनर ज्याक एमसीग्रुक खाता खोल्ने बित्तिकै पेबिलियन फर्किँदा अर्का ओपनर साफ डु पेलेसिसले २९ रन बनाए। कप्तान अक्षर पटेलले २२ रन बनाए। तृस्ष्टान स्टप्सले ३४ र विपराज निगमले ३९ रन बनाए।
लखनउका लागि बलिङतर्फ सार्दुल ठाकुर,मनिमरण सिद्धार्थ, दिग्वेश राठी र रवि विष्णोईले समान २-२ विकेट लिए ।
त्यसअघि ब्याटिङ गरेको लखनउले २० ओभरमा ८ विकेट गुमाउँदै २०९ रन बनाएको थियो। लखनउका लागि निकोलस पुरनले सर्वाधिक ७५ रनको पारी खेले। उनले ३० बलमा ६ चौका र ७ छक्का प्रहार गरे।
ओपनरद्वय: एडन मक्रमले१५ रन र मिचेल मार्चले ७२ रनको पारी खेले। कप्तान ऋषभ पन्त डकआउट हुँदै पेवेलियन फर्किए।
डेबिट मिलरले २७ रन बनाउँदा अन्य कुनै पनि ब्याटरले दोहोरो अंकको रन बनाउन सकेनन्। दिल्लीका लागि बलिङमा मिचेल स्टार्सले सर्वाधिक ३ विकेट लिए। कुलदीप यादवले २ विकेट लिँदा विपराज निगम र मुकेश कुमारले १-१ विकेट लिए।
