। युइएफए नेसन्स लिग फुटबलको सेमिफाइनल समीकरण पूरा भएको छ । गएराति क्वाटरफाइनलको दोस्रो लेगपछि पोर्चुगल, स्पेन, जर्मनी र फ्रान्सले जित निकाल्दै सेमिफाइनलमा स्थान सुरक्षित गरेका हुन्।
रोमाञ्चक खेलहरूमा स्पेनले नेदरल्यान्ड्सलाई पेनाल्टी सुटआउटमा हरायो भने जर्मनीले इटालीलाई समग्रमा ५-४ ले पराजित गर्दा फ्रान्सले क्रोएसियालाई पेनाल्टीमा हराउँदै अन्तिम चारमा स्थान बनायो।
स्पेन र नेदरल्यान्ड्सबीच ३-३ को बराबरीपछि पेनाल्टी सुटआउटमा स्पेनले ५-४ को जित निकाल्यो। खेलको सुरुवातमै मिकेल ओयरजबलले पेनाल्टीमार्फत स्पेनलाई अग्रता दिलाए। तर, मेम्फिस डिपाएले नेदरल्यान्ड्सका लागि बराबरी गोल फर्काए। ओयारजाबलले पुन: स्पेनलाई अग्रता दिलाए पनि माट्सेनले नेदरल्यान्ड्सका लागि बराबरी गोल गरे।
अतिरिक्त समयमा लामियन यामालले स्पेनका लागि गोल गरेपछि खेल ३-२ भयो। तर, जाभी सिमोन्सले पेनाल्टीमार्फत नेदरल्यान्ड्सका लागि पुन: बराबरी गोल गरे। पेनाल्टी सुटआउटमा स्पेनका गोलकिपर उनाई सिमोनले निर्णायक बचाउ गर्दै टिमलाई जित दिलाए।
जर्मनी र इटालीबीचको क्वाटरफाइनलको दोस्रो लेग रोमाञ्चक रह्यो। पहिलो लेगमा २-१ ले जितेको जर्मनीले दोस्रो लेगमा ३-३ को बराबरी खेल्दै समग्रमा ५-४ को जित निकाल्यो।
जर्मनीका लागि काई हाभेर्ट्ज, जोसुआ किमिच र जमाल मुसियालाले गोल गरे भने इटालीका लागि फेडेरिको चिएसा, निकोला बारेला र डोमिनिको बेरेर्डीले गोल गरेका थिए। दोस्रो लेगको बराबरीपछि समग्र नतिजामा जित निकाल्दै जर्मनी सेमिफाइनलमा प्रवेश गर्न सफल भयो।
त्यस्तै फ्रान्स र क्रोएसियाबीचको खेल पनि रोमाञ्चक रह्यो। दुवै लेगको खेलपछि समग्रमा २-२ को बराबरीपश्चात् पेनाल्टी सुटआउटमा फ्रान्सले ५-४ को जित निकाल्दै सेमिफाइनलमा स्थान सुरक्षित गर्यो।
पहिलो लेगमा २-० ले पराजित भएको फ्रान्सले दोस्रो लेगमा पुनरागमन गर्दै २-० को जित हात पार्दै समग्रमा २-२ को अवस्थामा पुर्याएको थियो । फ्रान्सका लागि किलियन एम्बाप्पे र ओलिभियर जिरुडले गोल गरे ।
पेनाल्टीसुटआउटमा फ्रान्सका लागि एमबाप्पे, अउरेलियम चुवामेनी, रान्डल कोलो मोनी, डिजायर माहो डावे र डायोट उपामेकानोले गोल गरे । जुल्ड कोन्ठे र थियो हर्नान्डेजले भने गोल गर्न सकेनन् । क्रोएसियाका लागि निकोलो मोरो, मारिया पासालिक, क्रिस्टिजान जाकिक र डुजे कालेटा कारले गोल गरे । मार्टिन बाटुरिना, फ्रान्जो इभानोभित्र र जोसिप स्टानिसिक गोल गर्न असफल भए ।
अब नेसन्स लिगको सेमिफाइनलमा जर्मनीले पोर्चुगलसँग प्रतिस्पर्धा गर्नेछ भने स्पेनले फ्रान्सको सामना गर्नेछ।
