: नेपाल क्रिकेट संघ (क्यान) ले नेपाल राष्ट्रिय टोलीको प्रमुख प्रशिक्षक आगामी हप्ताभित्र नियुक्त गर्ने तयारी गरेको छ । क्यानका प्रवक्ता छुम्बी लामाका अनुसार ७० जनाको आवेदनबाट १० जना सर्टलिस्ट गराइ हाल अन्तरवार्ताको क्रम चलिरहेको अन्नपूर्ण पोष्टलाई जानकारी दिए । ‘हामी १० जनाको अन्तरवार्ता लिइरहेका छौं ,'उनले भने,' एकहप्ता भित्रमा प्रमुख प्रशिक्षक नियुक्त गर्छौं ।’
क्यानले वार्षिक क्यालेन्डर सार्वजनिक गर्दा केही पुराना प्रशिक्षकले पनि पुन:आवेदन दिएको जनाएको थियो । जसमा दुई पूर्वप्रशिक्षक पनि रहेको कुरा क्यानले जानकारी गराएको हो ।
पूर्वप्रशिक्षक नै पुनः नियुक्ति हुने या नयाँ प्रशिक्षक नियुक्त हुने भन्ने कुरा भने हालसम्म निर्धारण नभएको क्यानले बताएको छ।
