— अमेरिकी राष्ट्रपति डोनाल्ड ट्रम्पले ट्यारिफलाई लिएर नयाँ घोषणा गरेका छन् । जस अनुसार अमेरिकामा आयात हुने कार र कारका पार्ट्समा २५ प्रतिशत ट्यारिफ लगाइनेछ ।
ट्रम्पको यो कदमबाट ग्लोबल ट्रेड वार सुरु हुने आशंका बढेको छ । नयाँ घोषणा गरिएको ट्यारिफ अप्रिल २ देखि लागू हुने ट्रम्पले बताएका छन् । कारका पार्ट्समा भने मे वा त्यसभन्दा पछि लागू हुनसक्ने उनको भनाइ छ ।
यो कदमले कार उद्योगमा आकर्षक वृद्धि हुने र अमेरिकामा रोजगारी पनि बढ्ने ट्रम्पले दाबी गरेका छन् ।
तर विशेषज्ञले भने यसलाई लिएर फरक धारणा व्यक्त गरेका छन् । उनीहरुका अनुसार यो कदमले अमेरिकामा महत्त्वपूर्ण कार उत्पादन अस्थायी रुपमा बन्द हुनसक्ने आँकलन गरेका छन् । मूल्यमा वद्धि रु सहयोगी देशसँगको सम्बन्धमा तनाव उत्पन्न हुनसक्ने विशेषज्ञहरुको भनाइ छ ।
अमेरिकाले गत वर्ष ८० लाख कार आयात गरेको थियो । करिब यो २४० बिलियन अमेरिकी डलरको व्यापार हो ।
अमेरिकामा सबैभन्दा धेरै मेक्सिकोबाट कार आयता हुन्छ । यसपछि दक्षिण कोरिया, जापान, क्यानडा र जर्मनी छन् ।
ट्रम्पको यो नयाँ कदमले वैश्विक स्तरमा हुने कारको व्यापार र यसको आयात–निर्यातलाई प्रभावित पार्ने खतरा रहेको विशेषज्ञहरुको भनाइ छ ।
