— शुक्रबार काठमाडौं हुने गणतन्त्रवादी र राजावादीको शक्ति प्रदर्शनलाई लक्षित गरेर सुरक्षा व्यवस्था कडा गरिएको छ ।
माओवादी, एकीकृत समाजवादी, महेन्द्रराय यादव नेतृत्वको नेसपा र नेत्रविक्रम चन्द ‘विप्लव’ नेतृत्वको नेकपा सम्मिलित समाजवादी मोर्चाको जनसभा काठमाडौंको प्रदर्शनीमार्गमा र पूर्वपञ्च नवराज सुवेदी नेतृत्वको ‘राजसंस्था पुन:स्थापनाका लागि संयुक्त जनआन्दोलन समिति’ले तिनकुनेमा सभा गर्दैदछ ।
दुई छुट्टाछुट्टै स्थानमा स्थानमा हुने प्रदर्शनको स्थानीय प्रशासनले सुरक्षा व्यवस्था कडा पारेको जानकारी दिएको छ ।
केन्द्रीय प्रहरी प्रवक्ता प्रहरी नायब महानिरीक्षक दिनेशकुमार आचार्यले पच्चिस सय बढी प्रहरी परिचालन भएको बताए । ‘हामीले कार्यक्रम स्थालको सुरक्षा, र्यालीहरु एक अर्कोसँग भेट नहोस् भन्ने हिसाबले र प्रदर्शन बाहेका अरु क्रियाकलाप हुन नदिन सुरक्षा केन्द्रत गरेका छौं’, आचार्यले भने, ‘दुवै कार्यक्रम शान्तिपूर्ण होस् भन्ने पक्षमा प्रहरी छ ।’
प्रर्दशनको सुरक्षाका लागि सशस्त्र प्रहरी र राष्ट्रिय अनुसन्धान विभागका गुप्तचर पनि सहभागी हुनेछन् । दुवै सभाको निगरानी सिसिटिभी क्यामेरा र ड्रोनबाट हुने आचार्यले बताए ।
