: इन्डियन प्रिमियर लिग(आइपीएल)मा रोयल च्यालेन्जर्स बैंगलोर(आरसीबी)ले चेन्नाई सुपर किङ्स(सीएसके)माथि ५० रनको फराकिलो जित निकालेको छ।
चेन्नाईको घरेलु मैदान एमए चिदाम्बरम स्टेडियममा टस हारेर पहिले ब्याटिङको निम्तो पाएको आरसीबीले ७ विकेट गुमाउँदै १९६ रन बनाएको थियो।
आरसीबीले दिएको १९७ रनको विजयी लक्ष्य पछ्याएको सीएसकेले निर्धारित २० ओभरमा ८ विकेट गुमाउँदै १४६ रन बनायो।
सीएसकेको लागि ओपनर ब्याटर रचिन रविन्द्रले सर्वाधिक ४१ रनको पारी खेले । उनले ३१ बलमा ५ चौका प्रहार गरे।
इम्प्याक्ट प्लेअरको रुपमा मैदानमा आएकका शिवम् दुबेले १९ रन बनाउँदा रविन्द्र जडेजाले २५ रन बनाए । रविचन्द्र आश्विन ११ रनमा पेभेलियन फर्किए। महेन्द्र सिंह धोनी ३० र नुर अहमद शुन्यमा अपराजित रहे।
आरसीबीका लागि बलिङमा जोस ह्याजलवुडले सर्वाधिक ३ विकेट लिए। यश दयाल र लियम लिभिङस्टोनले समान २–२ विकेट लिए। भुवनेश्वर कुमारले १ विकेट लिए।
त्यसअघि, ब्याटिङ गरेको आरसीबीको लागि कप्तान रजत पाटिदारले सार्वधिक ५१ रनको अर्धशतकीय पारी खेले।
ओपनरद्वय फिल साल्टल र विराट कोहलीले क्रमशः ३२ र ३१ रन बनाउँदै पेभेलियन फर्किए। देवदुत पाडिकलले २७, लियम लिभिङ्स्टोन १०, जितेश शर्माले १२ रन बनाउँदा टिम डेबिटले २२ रन बनाए।
सीएसकेको बलरमा नुर अहमदले सर्वाधिक ३ विकेट लिए। माथेसा पाथिरानाले २ विकेट लिँदा खलिल हमिद र रविचन्द्र आश्विनले १–१ विकेट लिए।
२ खेलमा २ जित दर्ता गर्दै आरसीबी हाल टेबलको शिर्ष स्थानमा रहेको छ। आरसीबीएले पहिलो खेलमा कोलकाता नाइट राइडर्सलाई ७ विकेटले हराएको थियो।
चेन्नाईको यो पहिलो हार हो। चेन्नाईले भने पहिलो खेलमा मुम्बई इन्डियन्स्माथि ४ विकेटको जित निकालेको थियो।
