: थाइल्यान्डको औपचारिक भ्रमणमा रहेका प्रधानमन्त्री केपी शर्मा ओलीसँग बैंककका वरिष्ठ व्यवसायीहरुले भेटवार्ता गरेका छन्। थाइल्याण्डको औपचारिक भ्रमणमा रहेका प्रधानमन्त्री ओलीसँग नेपालमा लगानी र पर्यटनको विषयमा व्यवसायीहरुले छलफल गरेका हुन्।
भेटवार्तामा नेपाली व्यवसायी प्रतिनिधिमण्डलका सदस्यहरू समेत सहभागी रहेको प्रधानमन्त्री सचिवालयले जनाएको छ। null
प्रधानमन्त्री ओलीले नेपालमा होटल व्यवसाय तथा हवाई सेवाजस्ता पर्यटन क्षेत्रमा थाइल्यान्डको लगानी र व्यापार गर्न आग्रह गरे।
बुधबार प्रधानमन्त्री ओली र थाइल्याण्डका प्रधानमन्त्री पे थिङ् शिनावात्राको भेटवार्ता पछि नेपाल र थाइल्याण्डबीच २ वटा सरकारी र ६ वटा गैह्रसरकारी समझदारीपत्रमा हस्ताक्षर भएका थिए। जहाँ नेपाल र थाइल्याण्डबीच पर्यटन र संस्कृतिसँग सम्बन्धित दुई समझदारीपत्रमा हस्ताक्षर भएको छ ।
यस समझदारीले दुई देशबीच भएको समझदारीले नेपाल र थाइल्याण्डबीच व्यापारिक सम्बन्धलाई सुदृढ गर्ने, आर्थिक सहकार्यलाई प्रवर्द्धन गर्ने तथा व्यापार र लगानी विस्तारका लागि संरचित रूपरेखा तयार गर्ने लक्ष्य राखेको छ। भ्रमणले दुई देशबीचको व्यापारिक सहकार्यलाई थप मजबुत बनाउने र आर्थिक सहकार्यलाई विस्तार गर्न महत्वपूर्ण योगदान गर्ने विश्वास गरिएको छ।
थाइल्याण्ड सरकारको औपचारिक भ्रमण तथा छैटौँ ‘बिम्स्टेक’ सम्मेलनमा भाग लिन नेपाली प्रतिनिधिमण्डलको नेतृत्व गर्दै प्रधानमन्त्री ओली थाइल्याण्ड गएका हुन्।
