। पाल्पामा छुट्टाछुट्टै घटनामा परी दुई जनाको मृत्यु भएको छ। मृत्यु हुने दुवै पुरुष रहेको प्रहरीले जनाएको ।
एक जनाको आगलागीमा परेर तथा अर्का पुरुषको कालीगण्डकीमा डुबेरर मृत्यु भएको हो ।रिब्दीकोट गाउँपालिका– ७ पालुङ कोर्तुङस्थित पालुङ सामुदायिक जङ्गलमा लागेको आगो निभाउने क्रममा भिरबाट लडेर स्थानीय ६१ वर्षीय टेकबहादुर सर्तुङ्गेको मृत्यु भएको प्रहरीले जनाएको छ ।
जङ्गलमा लागेको आगो नियन्त्रण गर्ने क्रममा सर्तुङ्गे अचानक भिरबाट लडेका थिए । भिरबाट २० मिटर तल आगो लागिरहेको ठाउँमा खसेपछि उनको जलेर मृत्यु भएको प्रहरीले जनाएको छ ।
यस्तै रम्भा गाउँपालिका –१ बिसमुडे घाटस्थित कालिगण्डकी नदीमा असर्दीका ५२ वर्षीय सञ्जय बोटे मृत अवस्थामा फेला परेको प्रहरीले जनाएको छ ।
बिहीबार दिउँसो खोलामा माछा मार्न जान्छु भनी घरबाट हिँडेका उनी शुक्रबार मृत अवस्थामा फेला परेका हुन् ।
दुवै घटनाको मृतकका शवलाई प्रारम्भिक अनुसन्धानपछि पोष्टमार्टम गरी परवारलाई जिम्मा लगाइएको पहरीले जनाएको छ ।
