। आगामी सातादेखि हङकङमा सुरु हुने चारदेशीय टी-२०आई शृंखलाका लागि पूर्वकप्तान ज्ञानेन्द्र मल्ल नेपाली क्रिकेट टोलीको प्रशिक्षक रहने भएका छन् ।
गत साता नेपाली टोलीको प्रशिक्षकमा अस्ट्रेलियाका स्टुअर्ट ल नियुक्त भएपनि उनी नेपाल आइनसकेकाले हालको शृंखलाका लागि ज्ञानेन्द्रलाई प्रशिक्षक तोकिएको हो ।
मल्ल गत नोभेम्बरमा भएको हङकङ सिक्सेस टुर्नामेन्टका बेला पनि नेपाली टोलीको प्रशिक्षक रहेका थिए ।
अप्रिल ९ देखि हङकङमा सुरु हुने शृंखलामा घरेलु टोली हङकङ र नेपालसँगै कुवेत र कतारको सहभागिता रहनेछ ।
सबै टोलीले एकअर्कासँग १-१ पटक खेलेपछि समूहमा शीर्ष हुने २ टिमबीच फाइनल र तेस्रो स्थानका लागि बाँकी दुई टिमबीच प्रतिस्पर्धा हुनेछ ।
