। इंग्लिस क्लब म्यान्चेस्टर सिटीका बेल्जियन मिडफिल्डर केभिन डे ब्रुयनाले जारी सिजनपछि क्लब छोड्ने घोषणा गरेका छन् । उनले सामाजिक सञ्जालमा लेख्दै उक्त कुरा उल्लेख गरेका हुन् ।
३३ वर्षीय डे ब्रुयना सन् २०१५ मा जर्मन क्लब वुल्फ्सबर्गबाट सिटीमा आएका थिए। उनले क्लबका लागि ४१३ खेल खेल्दै १०६ गोल गरेका छन् । उनले सिटीलाई ६ वटा प्रिमियर लिग उपाधि र २०२३ मा च्याम्पियन्स लिग जिताउन महत्त्वपूर्ण भूमिका खेले ।
हालसम्म उनले सिटीका लागि १६ उपाधि जितेका छन् । तर, यो सिजन चोटका कारण उनले मात्र १९ खेलमा सुरुवात गर्न पाए ।
‘हरेक कथा कहिल्यै न कहिल्यै अन्त्य हुन्छ, तर मेरो लागि यो सबैभन्दा राम्रो यात्रा रह्यो’, उनले सामाजिक सञ्जालमा लेखेका छन् ।
