: जापानमा हेलिकोप्टर दुर्घटना हुँदा ३ जनाको मृत्यु भएको छ। अन्य ३ जनाको जीवितै उद्धार गरिएको एपीले जनाएको छ। मेडिकल प्रायोजनका निम्ति प्रयोग हुने उक्त हेलिकोप्टर जापानको दक्षिणी क्षेत्रमा पर्ने समुन्द्रमा खसेको थियो।
जापानी अधिकारीहरूका अनुसार पाइलट हिरोसी हामाडा, प्राविधिक कजुटो योशिताके र २८ वर्षीय नर्स साकुरा कुनिताकेको उद्धार गरिएको हो। मृत्यु हुनेमा ३४ वर्षीय डा. केई अराकावा, ८६ वर्षीय बिरामी मित्सुकी मोटैसी र बिरामी हेरचाह गर्ने ६८ वर्षीय काजुयुसी मोटैसैनी रहेका छन्। बिरामी बोकेको उक्त हेलिकोप्टर दुर्घटना भएको थियो।
हेलिकोप्टर दुर्घटनापछि तटीय रक्षकहरूले तीनवटा पानी जहाजबाट उद्धार कार्य गरेका थिए। हेलिकोप्टर दुर्घटना सम्बन्धमा अनुसन्धान भइरहेको जापानी अधिकारीहरूले बताएका छन्।
