: इन्डियन प्रिमियर लिग (आइपीएल)मा पन्जाब किङ्सले सुपर किङ्सलाई १८ रनले पराजित गरेको छ। पञ्जाबको जितमा युवा ब्याटर प्रियांश अर्यालले उत्कृष्ट शतकीय पारी खेले।
मुलानपुरस्थित महाराजा यादावेन्द्र सिंह इन्टरनेसनल क्रिकेट स्टेडियममा टस जितेर ब्याटिङ गरेको पन्जाबले २१९ रन बनाएको थियो। पन्जाबले दिएको २२० रनको लक्ष्य पछाएको चेन्नाईले निर्धारित २० ओभरमा ५ विकेट गुमाउँदै २०१ रन बनायो।
चेन्नाईका लागि ओपनर डेवोन कोन्वेले सर्वाधिक ६९ रनको अर्धशतकीय पारी खेले। उनले ४९ बलमा ६ चौका २ छक्का प्रहार गरेका हुन्। अर्का ओपनर रचिन रविन्द्रले ३६ रन बनाए। कप्तान ऋतुराज गायकवार्ड खाता मात्रै खोलि क्याच आउट हुँदै पेभिलियन फर्किए। शिवम दुवैले ४२ र महेन्द्रसिंह धोनीले २७ रन बनाए।
पञ्जाबका लागि बलिङतर्फ लोकी फेरगुसोनले २ विकेट लिए। यश ठाकुर र ग्लेन म्याक्सवेलले समान १-१ विकेट लिए। त्यसअघि, ब्याटिङ गरेको पन्जाबले निर्धारित २० ओभरमा ६ विकेट गुमाउँदै २१९ रन बनाएको थियो।
पन्जाबका लागि ओपनर प्रियाशं अर्याले सर्वाधिक १०३ रनको शतकीय पारी खेले। उनले ४२ बलमा ७ चौका र ९ छक्का प्रहार गर्दै आक्रमक शतक बनाएका थिए। यो २०२५ को आइपीएल सिजनको दोस्रो शतक हो। सिजनको पहिलो शतक इशान किसानको नाममा रहेको छ। उनले राजस्थान रोयल्स विरुद्ध १०६ रनको अविजित शतकीय पारी खेलेका थिए।
पञ्जाबका अर्का ओपनर प्रविसिमरन सिंह डकआउट भए। त्यसपछिका चार ब्याटरले दोहोरो अङ्कमा रन बनाउनै सकेनन्। कप्तान श्रेयस अय्यरले ९ रनमै बोल्ड आउट भए। शशांक सिंहले ५२ रनको अविजित अर्धशतकीय पारी खेल्दा उनीसँगै मार्को जान्सन ३४ रनमा अविजित रहे। यी दुईले सातौं विकेटको लागि ६५ रनको अविजित साझेदारी गरे।
चेनाईका लागि बलिङतर्फ खलिल हमिद र रविचन्द्र आश्विन ले समान २-२ विकेट लिए। मुकेश चौधरी र नुर अहमदले १-१ विकेट लिए । पञ्जाबले यससँगै चार खेलमा तीन जित र एक हार बेहोरेको छ।
चेन्नाई सुपर किंग्सले भने पाँच खेल खेल्दै एकमात्र जित दर्ता गर्दै लगातार चार हार बेहोरेको छ। पहिलो खेलमा जित दर्ता गरेको सीएसकेले त्यसपछि भने जित्न बिर्सिएको छ।
