: रौतहटको वृन्दावन नगरपालिका–१ स्थित बलेरीको बागमती खोलामा डुबेर एक युवकको मृत्यु भएको छ। इलाका प्रहरी कार्यालय गरुडाका अनुसार वृन्दावन नगरपालिका- १ बस्ने तमाङ बस्तीका १८ वर्षीय अर्जुन प्रजाको मृत्यु भएको हो।
बागमती खोलाको उत्खननपछि बनेको खाडलमा जमेको पानीमा डुबेर मंगलबार दिउँसो उनको ज्यान गएको बताइएको छ । खाडलको औसत गहढाई पाँचदेखि ६ फिट मात्र रहेको देखिन्छ।
घटनापछि मृतकको शव पोस्टमार्टमका लागि जिल्ला अस्पताल गौर पठाइएको छ। हाल घटनाको थप अनुसन्धान भइरहेको प्रहरीले जनाएको छ।
