: नेपालले अफगानस्तानलाई ८५ रनले पराजित गरेको छ। नेपाली यु-१९ क्रिकेट टोलीले अफगानिस्तान यु-१९ टोलीलाई डीएलएस(डर्कवर्थ लुइस स्ट्रेन)मा पराजित गरेको हो।
मुलपानी क्रिकेट मैदानमा २०.१ ओभरमा वर्षा सुरु भएपछि तीन दिवसीयअन्तर्गतको अन्तिम खेल नेपालको पक्षमा परेको हो। यसअघि २ खेल जित्दै अफगानिस्तानले सिरिज जितिसकेको छ। पहिलो खेलमा १३० रनले पराजित भएको नेपाल दोस्रो खेलमा १ रनले पराजित भएको थियो।
मुलपानी क्रिकेट मैदानमा टस हारेर ब्याटिङको निम्तो पाएको नेपालले ४४.५ ओभरमा अलआउट हुँदै १९१ रन बनाएको थियो। नेपालले दिएको १९२ रनको विजयी लक्ष्य पछ्याएको अफगानिस्तानले २०.१ ओभरमा ६ विकेट गुमाउँदै ४६ रन बनायो।
अफगानिस्तानका लागि फैजल सैनजुदाले १६ रन बनाए। अर्का ब्याटर अजिजुल्लाह मिया खिल १५ रनमा अविजित रहे। अन्य कुनै पनि ब्याटरले दोहोरो अंकमा रन बनाउन सकेनन्।
अपराजित पौडेलले २ विकेट लिए। दयानन्द मण्डल, विपिन शर्मा, सन्तोष यादव र अशोक धामीले १-१ विकेट लिए। त्यसअघि ब्याटिङ गरेको नेपालका लागि ओपनर ब्याटर साहिल पटेलले ४६ रनको पारी खेले। उनले ६२ बलमा ४ चौका र १ छक्का प्रहार गरे।
अर्का ओपनर निरज कुमार यादवले ४२ रन बनाए। कप्तान नरेन भट्टले २२, दर्श सोनारले १० र रोशन विश्वकर्माले २८ रन बनाए। अन्य कुनै पनि ब्याटरले दोहोरो अंकमा रन बनाउन सकेनन्।
