मुख्य समाचार
नेपालले उचाल्यो एसीसी यू–१६ इस्ट जोन कपको उपाधि
नेपालले उचाल्यो एसीसी यू–१६ इस्ट जोन कपको उपाधि

: एसीसी यू-१६ इस्ट जोन कपको उपाधि नेपालले जितेको छ। सिङ्गापुरलाई २ विकेटले हराउँदै साविक विजेता नेपालले उपाधि रक्षा गरेको हो।



मलेसियाको युकेएम वाइएसटी ओभलमा टस जितेर ब्याटिङ गरेको सिंगापुर ४०.५ ओभरमा ११३ रन बनाउँदै अलाउट भएको थियो।



मलेसियाले दिएको ११४ रनको विजय लक्ष्य पछाएको नेपालले २९ ओभरमा ८ विकेट गुमाएर ११७ रन बनाउँदै पूरा गरेको हो।

नेपालका लागि जोई थापाले सर्वाधिक २४ रनमा‌ अविजित रहे। उनले ५३ बलमा तीन चौका प्रहार गरे। उनीसँगै अभय यादव १२ बलमा १० रन बनाउँदै अविजित रहे।

२९ औँ ओभरको अन्तिम बलमा अभय यादवले छक्का प्रहार गर्दै नेपालको जित सुनिश्चित गरेका हुन्। उनले जोई थापासँग नवौं विकेटको लागि २५ रनको अविजित साझेदारी गरे।

५८ मा ५ को स्थितिबाट जोई थापाले एक तर्फबाट इनिङ सम्हाल्दै नेपाललाई जिततर्फ लम्काएका थिए। एक तर्फबाट लगातार विकेट गइरहँदा जोईले क्रिज सम्हालेका थिए।

नेपालका लागि ओपनरद्वय परिमार्जन यादव र प्रसिद्ध जैसीले क्रमश १३ र १७ रन बनाए। श्रीवांश बजगाईले २० रन बनाए। शुभम खनालले १८ रन बनाए।

सिंगापुरका लागि बलिङतर्फ कपिस बेनकात्रामले सर्वाधिक ४ विकेट लिए। युवान पाण्डेले दुई विकेट लिँदा वेदांश गुप्ता र आकाश तेजाले १-१ विकेट लिए।

त्यसअघि, पहिलो इनिङमा ब्याटिङ गरेको सिंगापुरका लागि रोहन अस्टिन अरुणले सर्वाधिक २३ रन बनाए। उनले ८४ बल खेल्दै दुई चौका प्रहार गरे। कप्तान रियान‌ नैकले १५ रन बनाए। अन्तिम विकेटका लागि क्रिजमा आएका वेदांश गुप्ता १२ रनमा अविजित रहे।

आकाश तेजा १० रनमा अन्तिम विकेटको रूपमा खनालको बलमा बोल्ड भए। सिंगापुरका लागि अन्य कुनै पनि ब्याटरले दोहोरो अङ्कको रन बनाउन सकेनन्।

१२ ओभर सकिँदा सिंगापुर ६ विकेटको क्षतिमा ५३ रन बनाएको सिङ्गापुरको अन्तिम विकेटका लागि २५ रनको साझेदारी नै सर्वाधिक साझेदारी रह्यो।

३४.३ ओभरमा ९ विकेटको क्षतिमा सिङ्गापुरले १०० रन पूरा गर्‍यो। त्यसपछि अन्तिम विकेटका लागि आकाश तेजा र वेदांस गुप्ताले २५ रनको साझेदारी गर्दै सिङ्गापुरलाई १०० रनमाथिको लक्ष्य दिन सहयोग गरे।

नेपालका लागि सुशील बहादुर रावल र अभय यादवले समान ३-३ विकेट लिए । शुभम खनालले २ विकेट लिए। कप्तान विपिन प्रसाद शर्माले १ विकेट लिए। ‌

प्रतिक्रिया दिनुहोस्
अन्य समाचारहरु
। सेप्टेम्बरमा हुने एसिया कप टी-२० का लागि चरिथ असलंकाको कप्तानीमा श्रीलंकाको १६ सदस्यीय टोली घोषणा गरिएको छ। चोटका कारण बंगलादेशविरुद्धको सिरिज र जिम्बाबेविरुद्धको टी–२० सिरिज गुमाएका लेग स्पिनिङ अलराउन्डर वानिन्दु हसरंगा टोलीमा फर्किएका छन् । श्रीलंकाले बंगलादेशविरुद्ध घरेलु सिरिज खेलेको टोलीबाट चार परिवर्तन गरिएको छ। अविश्का फर्नान्डो, दिनेश चान्डिमल, जेफ्री भान्डरसे र एशान मलिङ्गा बाहिरिएका छन्। ...
। आगामी सिजनको युरोपियन च्याम्पियन्स लिग फुटबलका लागि बिहीबार राति ड्र सम्पन्न भएको छ । गत सिजनदेखि नयाँ ढाँचामा हुन थालेको ३६ टोली सहभागी हुने प्रतियोगितामा पहिलोपटक ६ वटा प्रिमियर लिग क्लबले खेल्नेछन् । तर, लिग चरणमा उनीहरूले आपसमा खेल्ने छैनन् । ड्र अनुसार १५ पटकको विजेता स्पेनी महारथी क्लब रियल मड्रिडसँग इंग्लिस च्याम्पियन लिभरपुल र म्यानचेस्टर ...
: भारतको गुहाटीमा भइरहेको आसाम र नेपाल 'ए' टिमको ५ खेल सम्मेलित सिरिजमा नेपाल 'ए' टिम आसामसँग पराजित भएको छ। नेपाल 'ए' टिम आसामसँग डीएल(डक वर्थ) प्रणालीमा १५ रनले पराजित भएको हो। वर्षाका कारण खेल डीएल पद्धतिमा नेपालले हार बेहोरेको हो। टस हारेर पहिले ब्याटिङ गरेको आसामले निर्धारित २० ओभरमा ८ विकेट गुमाउँदै १९० रन ...
: साफ यू-१७ महिला च्याम्पियनसिपमा नेपाल बंगलादेशसँग पराजित भएको छ। भुटानको थिम्पुस्थित चाङ्लिमिथान स्टेडियममा भएको खेलमा नेपाल ४–१ ले पराजित भएको हो। बंगलादेशसँग पराजित भएसँगै नेपालको उपाधि सम्भावना सकिएको छ। बंगलादेशका लागि सौरवी अखण्ड प्रीतिले ह्याट्रिक गर्दा थुइनुयी मर्माले १ गोल गरिन्। पहिलो हाफको ३८ औँ मिनेटमा थुइनुयी मर्मा र ४५ औँ मिनेटमा बंगलादेशकी सौरवी ...
। लेगस्पीनर सन्दीप लामिछानेले ह्‍याट्रिकसहित ५ विकेट लिएपछि नेपाली क्रिकेट टोलीले पहिलो अभ्यास टी-२० खेलमा अस्ट्रेलियन क्यापिटल टेरिटोरी (एसीटी)लाई पराजित गरेको छ । नेपालले एसीटीलाई ४१ रनले पराजित गरेको हो । नेपालले दिएको १७८ रनको लक्ष्य पछ्याएको एसीटी १७.२ ओभरमा १३६ रनमा अलआउट भयो । एसीटीका लागि जेक स्मिथले सर्वाधिक ५० तथा जाक के‌घले २५ रन बनाए ...