मुख्य समाचार
वेस्ट इन्डिजसँगको दोस्रो टेस्टमा अस्ट्रेलियाको प्रभावशाली जित
वेस्ट इन्डिजसँगको दोस्रो टेस्टमा अस्ट्रेलियाको प्रभावशाली जित

। अस्ट्रेलियाले ग्रेनेडामा भएको दोस्रो टेस्टमा वेस्ट इन्डिजमाथि १३३ रनको प्रभावशाली जित हासिल गर्दै ३ खेलको शृंखलामा २–० को अग्रता बनाएको छ ।

यो जितसँगै अस्ट्रेलियाले सन् १९९५ देखि आफ्नो कब्जामा रहेको फ्र्यांक वोरेल ट्रफी फेरि एकपटक रक्षा गरेको छ।




वेस्ट इन्डिजलाई जितका लागि २७७ रनको लक्ष्य दिएको अस्ट्रेलियाले चौथो दिनको दोस्रो सेसनमै घरेलु टोलीलाई १४३ रनमा समेट्यो। मिचेल स्टार्कले २४ रन मात्र दिएर ३ विकेट लिए भने नाथन लायनले पनि ३ विकेट लिए।

स्टार्क आफ्नो १००औं टेस्ट खेलअघि ३९५ विकेटमा पुगेका छन् भने लायन अब ग्लेन म्याक्ग्राथको ५६३ विकेट नजिक छन्।



त्यसअघि चौथो दिनमा २२१-७ को अवस्थाबाट सुरु गरेको अस्ट्रेलियाले अन्तिम तीन विकेटबाट जम्मा २२ रन मात्र थप्न सकेको थियो । दोस्रो इनिङमा स्टिभ स्मिथले ७१ र क्यामरुन ग्रिनले ५२ रन बनाउँदै टोलीलाई सशक्त स्थितिमा पुर्‍याएका थिए। वेस्ट इन्डिजका शमार जोसेफले ४ तथा अल्जारी जोसेफ, जेडन सिल्स र जस्टिन ग्रिभ्सले २-२ विकेट लिए ।

जवाफमा वेस्ट इन्डिजको पारी भने सुरुवातमै धराशायी भयो। जोश हेजलवुडले आफ्नो दोस्रो बलमै जोन क्याम्पबेललाई एलबीडब्लु आउट गर्दै सुरुवातमा दबाब बनाए। कप्तान प्याट कमिन्सले ब्रान्डन किङको अफ स्टम्प उडाउँदै शानदार बलिङ प्रदर्शन गरे।

शाई होप र रोस्टन चेसले केही समय टिकेर आक्रामक खेल्ने प्रयास गरे पनि टिक्न सकेनन्। होप हेजलवुडको बलमा पुल गर्ने क्रममा क्याच भए भने चेस स्टार्कको बलमा एलबिडब्लु भए। चेजले सर्वाधिक ३४ रन बनाए भने शमारले २४ रन बनाए ।

त्यसअघि पहिलो इनिङमा एलेक्स क्यारी र बियू वेबस्टरको अर्धशतक मद्दतमा २८६ रन बनाएको अस्ट्रेलियाले जवाफमा वेस्ट इन्डिजलाई २५३ रनमा अलआउट गर्दै ३३ रनको अग्रताका साथ दोस्रो इनिङको सुरुवात गरेको थियो ।

अब दुई टोलीबीचको अन्तिम टेस्ट जमैकाको सबिना पार्कमा जुलाई १२ देखि डे-नाइट टेस्टको रूपमा हुनेछ।

प्रतिक्रिया दिनुहोस्
अन्य समाचारहरु
। सेप्टेम्बरमा हुने एसिया कप टी-२० का लागि चरिथ असलंकाको कप्तानीमा श्रीलंकाको १६ सदस्यीय टोली घोषणा गरिएको छ। चोटका कारण बंगलादेशविरुद्धको सिरिज र जिम्बाबेविरुद्धको टी–२० सिरिज गुमाएका लेग स्पिनिङ अलराउन्डर वानिन्दु हसरंगा टोलीमा फर्किएका छन् । श्रीलंकाले बंगलादेशविरुद्ध घरेलु सिरिज खेलेको टोलीबाट चार परिवर्तन गरिएको छ। अविश्का फर्नान्डो, दिनेश चान्डिमल, जेफ्री भान्डरसे र एशान मलिङ्गा बाहिरिएका छन्। ...
। आगामी सिजनको युरोपियन च्याम्पियन्स लिग फुटबलका लागि बिहीबार राति ड्र सम्पन्न भएको छ । गत सिजनदेखि नयाँ ढाँचामा हुन थालेको ३६ टोली सहभागी हुने प्रतियोगितामा पहिलोपटक ६ वटा प्रिमियर लिग क्लबले खेल्नेछन् । तर, लिग चरणमा उनीहरूले आपसमा खेल्ने छैनन् । ड्र अनुसार १५ पटकको विजेता स्पेनी महारथी क्लब रियल मड्रिडसँग इंग्लिस च्याम्पियन लिभरपुल र म्यानचेस्टर ...
: भारतको गुहाटीमा भइरहेको आसाम र नेपाल 'ए' टिमको ५ खेल सम्मेलित सिरिजमा नेपाल 'ए' टिम आसामसँग पराजित भएको छ। नेपाल 'ए' टिम आसामसँग डीएल(डक वर्थ) प्रणालीमा १५ रनले पराजित भएको हो। वर्षाका कारण खेल डीएल पद्धतिमा नेपालले हार बेहोरेको हो। टस हारेर पहिले ब्याटिङ गरेको आसामले निर्धारित २० ओभरमा ८ विकेट गुमाउँदै १९० रन ...
: साफ यू-१७ महिला च्याम्पियनसिपमा नेपाल बंगलादेशसँग पराजित भएको छ। भुटानको थिम्पुस्थित चाङ्लिमिथान स्टेडियममा भएको खेलमा नेपाल ४–१ ले पराजित भएको हो। बंगलादेशसँग पराजित भएसँगै नेपालको उपाधि सम्भावना सकिएको छ। बंगलादेशका लागि सौरवी अखण्ड प्रीतिले ह्याट्रिक गर्दा थुइनुयी मर्माले १ गोल गरिन्। पहिलो हाफको ३८ औँ मिनेटमा थुइनुयी मर्मा र ४५ औँ मिनेटमा बंगलादेशकी सौरवी ...
। लेगस्पीनर सन्दीप लामिछानेले ह्‍याट्रिकसहित ५ विकेट लिएपछि नेपाली क्रिकेट टोलीले पहिलो अभ्यास टी-२० खेलमा अस्ट्रेलियन क्यापिटल टेरिटोरी (एसीटी)लाई पराजित गरेको छ । नेपालले एसीटीलाई ४१ रनले पराजित गरेको हो । नेपालले दिएको १७८ रनको लक्ष्य पछ्याएको एसीटी १७.२ ओभरमा १३६ रनमा अलआउट भयो । एसीटीका लागि जेक स्मिथले सर्वाधिक ५० तथा जाक के‌घले २५ रन बनाए ...