। मधेश प्रदेशका पूर्व मुख्य न्यायाधिवक्ता दिपेन्द्र झाले राष्ट्रिय स्वतन्त्र पार्टी (रास्वपा)ले सञ्चालन गरेको हस्ताक्षर अभियानमा ऐक्यबद्धता जनाएका छन् ।
काठमाडौं क्षेत्र नम्बर-२ मा पर्ने महानगरपालिका–३२ मा जारी अभियानमा पुगेर झाले हस्ताक्षर अभियानमा ऐक्यबद्धता जनाएका हुन् ।
रास्वपाले गत असार ७ गतेबाट लामिछानेमाथि राजनीतिक प्रतिशोध भएको भन्दै हस्ताक्षर अभियान चलाइरहेको छ ।
हस्ताक्षर अभियानमा पुगेका झालाई सांसद सोबिता गौतमले अभियानबारे धारणा सोधेकी थिइन् ।
सो क्रममा उनले रवि कहिँ पनि सहकारीको सदस्य र ऋणी नभएको जिकिर गरे । ‘जसरी उहाँलाई विभिन्न ठाउँबाट मुद्दा लगाउने र थुनामा पठाउने काम भएको छ । पार्टीले बोकेको वेबलाई कसरी रोक्न सकिन्छ भन्नेगरी यो भएको मैले बुझेको छु,’ झाले भने ।
झा सभापति लामिछानेको मुद्दा हेर्ने वकिल पनि हुन् ।
यसअघि पूर्वप्रधानमन्त्री डा. बाबुराम भट्टराई लगायत विभिन्न कलाकारले पनि अभियानमा साथ दिएका छन् ।
रास्वपाले हस्ताक्षर अभियान उत्साहजनक भएको दाबी गर्दै आएको छ ।
